Жылыту маусымына дайындық пен зерделеу шаралары тұрақты түрде жүргізіліп келеді. Келеңсіз жағдайларды болдырмау үшін «Қыстың қамын жаз ойла» деген аталы сөздің астарын ұғып, қысқа сақадай сай болу қажет. Осы орайда, 4 тамыз күні аудан әкімдігінің кіші залында Бородулиха ауданы әкімінің орынбасары Руслан Абдрахмановтың төрағалығымен әкімдікте жылыту маусымына дайындық бойынша штаб отырысы өтті. Отырысқа аудан әкімінің орынбасарлары мен дербес бөлімдердің басшылары, zoom арқылы ауылдық округтердің әкімдері және бұқаралық ақпарат құралдарының өкілдері қатысты.
Штаб отырысында күн тәртібі бойынша 2023-2024 жылдардағы қысқы кезеңге және «Коммуналдық шаруашылық» КМК тіршілікті қамтамасыз ету объектілерінің тұрақты жұмысына дайындық барысы туралы «Коммуналдық шаруашылық» КМК директорының міндетін атқарушы Дамир Бейсенғазыұлы Ералинов ақпарат берді.
Оның айтуынша, «Абай облысы Бородулиха ауданының коммуналдық шаруашылығы» КМК сағатына 100 Гкал-ға дейін өндіретін шағын қуатты кәсіпорын саналады.
Қатты отынның жылдық тұтынуы 2100 тоннаны құрайды, «Қаражыра» АҚ көмірді жеткізуді 15 тамыздан бастайды.
Қазандықтарды жөндеу жұмыс кестесіне сәйкес орындалады, оған әктеу, бояу, электромеханикалық бөлікті, бекіту арматурасын тексеру, авариялық клапандарды сынау кіреді. Жылумен жабдықтау жүйесін тұщыландыру 2023 жылдың 15 тамызынан басталады. Дайындық актілері 2023 жылғы 1 қыркүйектен бастап беріледі.
4 қазандық пайдалануға дайын: № 3 «Балабақша»қазандығы, № 2 «Мәдениет үйі» қазандығы, № 6 Абай атындағы орта мектебінің қазандығы, № 7 қазандық «Рассвет» ЖКК, № 1 «Собес» қазандығы пайдалануға дайын емес орталықтан тепкіш сорғылар жоқ. №4 «Н.Островский» қазандығы пайдалануға дайын емес, орталықтан тепкіш сорғылар жоқ. Бұл жабдықты сатып алу тарифтік сметаға енгізілмеген, – деді Дамир Ералинов.
Одан басқа, 2023-2024 жылдардағы қысқы кезеңге және «Коммуналдық шаруашылық» КМК тіршілікті қамтамасыз ету объектілерінің тұрақты жұмысына дайындық барысы туралы білім бөлімі басшысының міндетін атқарушы Ғалия Акимбаева сөз сөйледі.
– Ауданымызда 32 мектеп жұмыс істейді. Оның ішінде 22 мектеп қатты отынмен, автономды қазандықтармен, 1 мектеп пешпен, 5 мектеп электрмен жылытылады. Жезкент кентіндегі 2 орта мектеп «Востокэнерго» ЖШС қазандығынан орталықтандырылып жылытылады, «Николай Островский атындағы орта мектеп» КММ, «Абай атындағы негізгі орта мектеп» КММ, «Бородулиха ауданы әкімдігінің Коммуналдық шаруашылық КМҚ» қатты отын қазандықтарынан жылыту арқылы жүзеге асырылады. Бүгінгі таңда 27 мектеп жылыту маусымына дайын, дайындық бойынша барлық іс-шаралар өткізілді. Қатты отынды (тас көмірді) жеткізуге келісім шарт «В.Н. Мартышкин» жеке кәсіпкерімен 7857,3 тонна көмірге, жалпы соммасы 102 млн 82 мың теңгеге (1тоннаға 12992 теңгеден) жасалды. Көмірді жеткізу кестеге сәйкес жүргізіледі – деді ол.
Ғалия Қайроллақызының айтуынша, 2023 жылы 15 мектепте жалпы соммасы 196,2 млн теңгеге ағымдағы жөндеу жұмыстары жоспарланған, бүгінгі таңда 8 нысанда жөндеу жұмыстары 100% аяқталған, 5 нысанда жөндеу жұмыстары жүргізілуде, 2 нысанда мемлекеттік сатып алу порталында конкурстық рәсімдер жүргізілуде.
1. «Абай атындағы негізгі орта мектеп» КММ-де 6444,0 мың теңге сомасына ғимараттың шатырын ағымдағы жөндеу 100% аяқталды.
2. «Сахновка негізгі орта мектебі» КММ-де 24184,0 мың теңге сомасына ғимараттың шатыры мен терезелерін ағымдағы жөндеу 100% аяқталды.
3. «Жезкент кентінің мектеп лицейі» КММ-де 7931,0 мың теңге сомасына терезе ойықтарын толтыруды ағымдағы жөндеу (ішінара жөндеу) 100% аяқталды.
4. «Боровлянка негізгі орта мектебі» КММ-де 24341,0 мың теңге сомасына ғимараттың шатыры мен терезелерін ағымдағы жөндеу-жөндеу 100% аяқталды.
5. «Краснаяр орта мектебі» КММ-де 31363,0 мың теңге сомасына мектеп ғимаратын ағымдағы жөндеу (шатырды ауыстыру) жұмыстары 100% аяқталды.
6. «Орловка мектебі» КММ-де 10515.0 мың теңге сомасына шатырды ағымдағы жөндеу 100% аяқталды.
7. «Переменовка орта мектебі» КММ-де 5712,0 мың теңге сомасына қазандықты ағымдағы жөндеу 100% аяқталды.
8. «Камышенка орта мектебі» КММ-де 5675,0 мың теңге сомасына жылыту жүйесін ағымдағы жөндеу 100% аяқталды.
9. «Жезкент орта мектебі» КММ-де 11995,0 мың теңге сомасына ағымдағы жөндеу жұмыстары жүргізілуде.
10. «Шелехова орта мектебі» КММ-де 6967,0 мың теңге сомасына қазандықтың шатырын ағымдағы жөндеу 100% аяқталды.
11. «Т. Аманова орта мектебі» КММ-де 5863,0 мың теңге сомаға еденді ауыстыру бойынша ағымдағы жөндеу жұмыстары 90% аяқталды.
12. «Әлихан Бөкейхан атындағы қазақ орта мектебі» КММ-де 5150,0 мың теңге сомаға пластикалық терезелер мен есіктерді ағымдағы жөндеу (ішінара) жұмыстары жүргізілді, конкурстық рәсімдер 02.08.2023 жылы аяқталды. Қазандықтағы түтін мұржасын ауыстыру жұмыстары жүргізілуде.
13. «Абай атындағы негізгі орта мектеп» КММ-де 4732,0 мың теңге сомаға асхананы ағымдағы жөндеу жұмыстары жүргізілуде.
14. «Михайличенково орта мектебі» КММ-де 3300,0 мың теңге сомаға қазандықты ауыстыру бойынша ағымдағы жөндеу 100% аяқталды.
15. «Жерновка орта мектебі» КММ-де 32667,0 мың теңге сомаға ғимаратты ағымдағы жөндеуге қатысты (1-қабаттың плиткаларын ауыстыру, шатырды металл шатырға ауыстыру) конкурстық рәсімдер аяқталды, жұмыстар жүргізілуде.
16. «Успенка негізгі орта мектебі» КММ-де 11387,0 мың теңге сомаға шатырды, қазандықты және спорт залын ағымдағы жөндеу жұмыстары жүргізілуде.
Штаб отырысының барысында аудан әкімінің орынбасары бүгінгі бас қосуға келген әр мекемелердің өкілдері мен отырысқа «Zoom» арқылы қатысқан округ әкімдерінен жылыту маусымына қаншалықты дайын екенін сұрап, олардың тарапынан көтерілген мәселелердің шешілуі қажеттігін атап өтті. Жиынды қорытындылаған аудан әкімінің орынбасары Руслан Абдрахманов жылыту маусымына аудандық қазандықтағы негізгі қондырғыларды дайындау, аудандағы көпқабатты тұрғын үйлерді жылу беру маусымына дайындау, үй ішіндегі жүйелердің жабдықтарын профилактикадан өткізу, жөндеу және ауыстыру, барлық әлеуметтік нысандардағы от жағатын қазандықтар мен ішкі жылу жүйелерін тексеру, шаю, тазалау, анықталған ақаулар мен кемшіліктерді ретке келтіру, қатты отынмен қамтамасыз ету бойынша нақты тапсырмалар берді.
Сұлтан Ибрагимов
