Жезкент кентінің барша тұрғыны үшін хоккей ойындары жыл сайынғы дәстүрлі мерекеге айналған. Биыл ұйымдастырушылар аталған спорт түріне арналған турнирге ерекше дайындалды. Себебі, Жезкенттегі орталық спорт кортында Вячеслав Грудцынды еске алуға арналған дәстүрлі хоккей турнирі өтті.
В
ячеслав Грудцын мен Александр Гусинский – Жезкент кенттік округінің хоккейдің дамуының бастауында тұрған азаматтар. Вячеслав тамаша спортшы ғана емес, дарынды жасөспірімдерді осы спорт түріне тәрбиелеп, баулуға орасан үлес қосқан жан. Ол сонау 90-жылдары өзінің бастамасымен және шынайы ынта-ниетімен бірінші хоккей командасын құрды.
26 қаңтар күні хоккей кортында ерлер командалары арасында шайбалы хоккейден өткен турнирдің ашылуында аудан әкімнің орынбасары Ерлан Селиханов, «Востокцветмет» ЖШС филиалы Орловка өндірістік кешенінің директоры Евгений Косых және Жезкент кентінің әкімі Медет Жайдарбеков және аталған кенттің тұрғындары болды.
Турнирдің салтанатты рәсімінде сөз алған аудан әкімінің орынбасары Ерлан Селиханов осы шараға жыл сайын белсене қатысып, үлкен үлес қосып жүрген жандарға аудан әкімнің атынан «Qazaqmetal kasipodagy» қазақстандық тау-кен металлургия салалық кәсіптік одағы ҚБ филиалы кәсіподақ ұйымының басшысы А. Абылғазықызына, аудандық мәслихат депутаты М. Сиюндыковаға және Жезкент кентінің «Шахтер» командасының қатысушылары А. Шклярукқа, А. Добрыгинге, А. Төртбайға және И. Волковқа алғыс хаттар табысталды. Ал ұйымдастырушылар спортшыларға жақсы көңіл-күй, әдемі ойын, сәттілік және жеңіс тіледі.
Осылайша, Семей мен Жарма ауданының Бақыршық кенті, Озерки ауылының және Жезкент кентінің командалары бір кездері ауылда хоккейді қайта жаңғыртқан азамат – Вячеслав Грудцынды еске алу үшін мұз айдынындағы жарысқа жиналды.
Ойын нәтижесінде Озерки ауылының хоккей командасы төртінші орынды, Жарма ауданының Бақыршық кенті командасы үшінші орынды, Семей қаласының хоккей командасы екінші орынды еншіледі, ал кубокты Жезкент кентінің командасы иеленді.
Барлық қатысушы бағалы сыйлықтармен, медальдармен және Бородулиха ауданы әкімінің грамоталарымен марапатталды.
Азамат Смагулов