29 тамыз күні Бородулиха аудандық Мәдениет үйінде Бородулиха ауданының әкімі Айдар Ибраевтың қатысуымен «Әділетті Қазақстан: сапалы білім, адал ұрпақ, табысты ұлт» атты білім саласы қызметкерлерінің Тамыз кеңесі өтті. Конференцияға аудандық маслихат хатшысы Сәуле Тұрсынқызы Урашева, «Аманат» партиясының аудандық филиалының хатшысы Гүлмира Бакдәулетқызы Ильяшева, ауылдық округтердің әкімдері, бөлім басшылары, білім беру ұйымдарының жетекшілері, мектеп жетекшілерінің орынбасарлары, мұғалімдермен тәрбиешілер қатысты.
Тамыз кеңесін ашу үшін сөз аудан әкімі – А.М.Ибраевқа берілді. «Отандық білім беру жүйесінің үздік дәстүрлерін сақтай отырып, біз бір орында тұрмауымыз керек. Білім беру жүйесі ізденісте болуы, үнемі дамуы тиіс. Сондықтан, басты үміт жаңа және прогрессивті дүниелерге ашық ұрпақты тәрбиелеуге қабілетті мұғалімдерге айрықша міндет жүктеледі. Мұғалімдердің және әрине, ата-аналардың міндеті – еліміздің лайықты азаматтарын тәрбиелеу, — деді өз сөзінде өңір басшысы.
Аудан әкімі бүгінгі таңда еңбек нарығында болашақ кадрларды даярлау өзекті мәселеге айналғанын айтты. Себебі, мектеп түлектерімен кәсіптік бағдарлау жұмысын ұйымдастырудың маңыздылығы оқушылардың белгілі бір кәсіби қызмет түрлеріне бейімділігі мен қабілеттерін анықтайды.
«Дипломмен ауылға» бағдарламасы шеңберінде жұмысқа келген жас мамандарды бекіту үшін оларға кемінде үш жыл ауылдық ұйымдарда жергілікті бюджет есебінен сатып алынған тұрғын үй түрінде кредит бойынша кепіл және көтерме жәрдемақы беріледі.
Одан әрі жиынды «Білім беру жүйесін дамытудың қорытындылары мен басым бағыттары» баяндамасымен «Абай облысы білім беру мекемесінің Бородулиха ауданының білім бөлімі» мемлекеттік мекемесі басшысының міндетін атқарушы Динара Атаева қорытындылап, Бородулиха ауданында білім беру жүйесін дамытудың басым бағыттарын атап өтті.
– Білім – мемлекеттің ең маңызды және басым қызметі. Білім беру жүйесінің қызметі қазіргі өзгермелі әлемде сан алуан өмірлік рөлдерді сәтті орындай алатын белсенді, мақсатты және жауапты тұлғаны қалыптастыруға бағытталуы тиіс. Әлем ұлы өзгерістер табалдырығында тұр, біздің еліміз де осы үдерістің бір бөлігіне айналды.
Биылғы тамыз кеңесінің тақырыбы – «Әділетті Қазақстан: сапалы білім, адал ұрпақ, табысты ұлт». Экономикалық және қаржылық қиындықтарға қарамастан, білім беру ұйымдарының материалдық-техникалық базасы жыл сайын айтарлықтай нығайып келеді.
– 2023 жылы аудан мектептерінде 16 жоба бойынша жалпы сомасы 198,2 млн.теңгеге ағымдағы жөндеу жұмыстары жүргізілді.
– Ауданда 32 мектеп бар. 2022-2023 оқу жылында оқушылар саны — 4867. Студенттік орын тапшылығы жоқ.
Мектепті 228 түлек бітірді, оның ішінде «Алтын белгі» аттестатына 5 үміткер және аттестатқа 12 талапкер қорытынды мемлекеттік аттестацияда және ұлттық бірыңғай тестілеуде үздік (100 баллдан жоғары) білімдерін растады.
Әлеуметтік жағынан осал отбасылардан шыққан 693 оқушыға тегін ыстық тамақ, киім-кешек, кеңсе тауарлары берілді.
11-сыныпты бітірген 228 түлектің 213-і (93%) жоғары оқу орындары мен колледждерге түсіп, оның 109-ы (52%) грантқа ие болды.
Ауданда 2328 оқушыны қамтитын 115 тегін спорт секциялары жұмыс істейді. Ауданда 32 спорт залы, 27 спорт алаңы, 1 шаңғы базасы, 10 хоккей боксы бар.
32 мектепте 2300 оқушыны қамтитын сәндік-қолданбалы өнер, техникалық, көркемдік-эстетикалық, экологиялық-биологиялық, туристік бағыттағы 96 мектеп үйірмесінің жұмысы ұйымдастырылды.
Жаңа формация мұғалімдері бүгінгі таңда заманауи білім беруді жаңғыртудың қозғаушы күші саналады. 2022-2023 оқу жылында аудандағы күндізгі жалпы білім беретін мектептердің педагогикалық ұжымының жалпы саны 745 мұғалімді құрады. 2022-2023 оқу жылында аудан мектептеріне 16 жас маман келді.
Алға қойылған міндеттерді ойдағыдай жүзеге асыру үшін аудан мұғалімдерінің әлеуеті жеткілікті. Жаңа оқу жылында барлық мектептер қорытынды мемлекеттік аттестаттауға дайындық жұмыстарын күшейтуі қажет, — деді «Бородулиха ауданының білім бөлімі» мемлекеттік мекемесі басшысының міндетін атқарушы Динара Атаева.
Сөз соңында Динара Атаева аудан педагогтарының қойылған міндеттерді табысты жүзеге асыру үшін жеткілікті әлеуетке ие екендігіне сенім білдірді. Жаңа оқу жылында балалармен қарым-қатынас жасау қуанышына, шығармашылық ынтаға толы жемісті жұмыс тіледі.
Конференцияда Абай облысының білім басқармасының бас маманы Данара Жүнісова баяндама жасады. Содан кейін білім беру ісінің үздігі, ардагер ұстаз Сайлауғайша Әлімбаеваға сөз берілді. Құттықтау сөз Николай Островский орта мектебінің жас маманы Элис Дурманенкоға берілді.
Бұл күні Бородулиха ауданының үздік мұғалімдері мақтау қағаздарымен және үкіметтік наградалармен марапатталды.
Аудан әкімі Айдар Ибраев білім беру саласын дамытуға, педагогикалық қызметте шығармашылық табыстарға қол жеткізіп, біліктілік танытқаны үшін «Еңбек ардагері» медалімен Жезкент орта мектебінің математика пәнінің мұғалімі — Жагипар Мұқатайұлы, білім саласын дамыту жолында қол жеткен табыстары және оған қосқан үлесі үшін Қазақстан Республиқасы Оқу-ағарту министрінің алғыс хатымен — Әлихан Бөкейхан атындағы қазақ орта мектебі тәрбие ісі жөніндегі директордың орынбасары, бастауыш сынып мұғалімі Замзагүл Құнанбаева, білім беру саласында қосқан зор үлесі, өскелең ұрпаққа өнегелі тәрбие мен сапалы білім берудегі жоғары жетістіктері мен кәсіби шеберлігі үшін Абай облысы әкімінің алғыс хатымен Николай Островский атындағы орта мектебінің оқу ісі жөніндегі директордың орынбасары, география пәнінің мұғалімі Саят Бодомбаев, кемел келешекке аяқ басып отырған еліміздің білімді азаматтарын оқыту мен тәрбиелеу жолындағы сіңірген еңбегі үшін Абай облысының білім басқармасы мемлекеттік мекемесі Құрмет грамотасымен Зубаир орта мектебі бастауыш сынып және музыка пәнінің мұғалімі Гүлайса Дюсенбаева, дәл осындай Құрмет грамотасымен Коростелевская орта мектебінің директоры Галина Морозкина, Төлеубай Аманов атындағы орта мектебінің қазақ тілі мен әдебиет пәнінің мұғалімі Сарқыт Сабыржанова, Мұхтар Әуезов атындағы орта мектебінің тәрбие ісі жөніндегі директордың орынбасары Мәриәм Аймұханбетова, Әлихан Бөкейхан атындағы қазақ орта мектебінің бастауыш сынып мұғалімі Бейбітгүл Ахметжанова марапатталады.
Тәуелсіз Қазақстанның рухани және әлеуметтік дамуы жолында білім беру жүйесін дамытуға және білім беру сапасын арттыруға қосқан үлесі үшін және Бородулиха ауданының 95 жылдық мерейтойына орай, Бородулиха ауданының әкімі Құрмет грамотасымен Новопокровка орта мектебінің директоры Арман Мұқанов марапатталды. Бородулиха ауданы әкімінің Құрмет грамотасымен ауданның білім беру жүйесіндегі жемісті педагогикалық қызметі, өскелең ұрпақты оқыту мен тәрбиелеуде жоғары нәтижелерге қол жеткізгені үшін және Бородулиха облысының 95 жылдығын мерекелеу құрметіне, аудан әкімінің Құрмет грамотасымен Ыбырай Алтынсарин атындағы орта мектептің информатика пәнінің мұғалімі Сергей Семёнов, Ыбырай Алтынсарин атындағы казақ тілі мен әдебиеті пәнінің мұғалімі Қымбат Қонақбаева, Новопокровка орта мектебінің көркем еңбек және қазақ тілі мен әдебіеті пәнінің мұғалімі Сауле Сапарова, Жезкент кенті мектеп лицейінің информатика пәнінің мұғалімі Наталья Елюбаева марапатталды.
Өскелең ұрпақты тәрбиелеудегі жоғары кәсіби біліктілігі, оқыту ісіндегі педагогикалық шеберлігі және Бородулиха ауданының 95 жылдық мерейтойына орай, Бородулиха аудан әкімнің алғыс хатымен Жезкент кетінің мектеп-лицейінің алғашқы әскери және техникалық дайындық мұғалімі Қанат Елюбаев, Жезкент кентінің мектеп-лицейі директорының тәрбие ісі жөніндегі орынбасары, география пәнінің мұғалімі Татьяна Тележанова, Жезкент кенті мектеп-лицейінің тәрбие ісі жөніндегі директорының орынбасары, физика пәнінің мұғалімі Қуаныш Иманбаев, «Тополек» балабақшасының тәрбиешісі Зульпия Идрышева, «Балдәурен» балбақшасының тәрбиешісі Надежда Руденко, «Солнышко» балабақшасының тәрбиешісі Самиға Ашамаева, шығармашылық үйінің мұғалімі Маржан Ашимова, балалар музыка мектебінің домбыра сыныбының мұғалімі Гүлнұр Қабыкенқызы және өскелең ұрпақты тәрбиелеудегі көп жылдық еңбегі үшін оқыту ісіндегі педагогикалық шеберлігі және Бородулиха ауданының 95 жылдық мерейтойына орай, Бородулиха ауданының Алғыс хатымен Коростели орта мектебінің қазақ тілі мен әдебиетінің мұғалімі Алтай Мұхаметкәрімұлы марапатталды.
Бородулиха ауданының әкімі Айдар Ибраев Болгария Республикасында өткен халықаралық хореографиялық фестивальге қатысқаны үшін «Гранж» би студиясының қатысушысы Милана Дюсембековаға және Бородулиха ауданы жастарының шығармашылық дамуына қосқан үлесі үшін «Гранж» би студиясының жетекшісі Рита Хабулиноваға алғыс білдірді.
Мейз Тоқанқызы С хореографиялық фестивальге қатысушыларға көрсеткен көмегі үшін Болгария Республикасының «LIGHT» халықаралық шығармашылық жобасының ұйымдастыру комитетінің Алғыс хатымен марапатталды.
Мұғалімдерді марапаттауды Бородулиха ауданының білім беру қызметкерлері кәсіподақ комитетінің төрайымы Күлия Даумбаева жалғастырды. Білім беру жүйесіндегі адал еңбегі, Қазақстан Республикасының өскелең ұрпағын оқыту мен тәрбиелеудегі қол жеткен табыстары үшін Анна Лазарева, Александр Калинко, Жағыпар Анибаев, Павел Артамонов, Виктор Попов, Владимир Машинский, Гүлнара Нұрбекова, Людмила Куртасова, Ольга Ярохович, Наталья Богомолова марапатталады.
Бұдан әрі қатысушылардың назарына аудан мұғалімдері, мектеп және мектепке дейінгі мекемелердің оқушылары, аудандық мәдениет үйінің әртістері дайындаған тамаша концерт ұсынылды.
Серік Тлекұлы
