Биыл 27 қыркүйекте аудан әкімдігінде өңір басшысы Айдар Ибраевтың төрағалығымен құқық қорғау және күш органдары өкілдерінің, сондай-ақ, дербес бөлімдер басшыларының қатысуымен ағымдағы жылдың 9 айында сыбайлас жемқорлыққа қарсы іс-қимыл бойынша атқарылған мәселелерге қатысты отырыс өтті.
Күн тәртібіне сәйкес, аудан әкімі аппаратының басшысы Эльдар Бергенев Бородулиха ауданының ұйымдары және мекемелерінде сыбайлас жемқорлық тәуекелдеріне ішкі талдау жүргізу туралы ақпарат берді.
Оның айтуынша, Қазақстан Республикасы Президентінің 2022 жылғы 2 ақпандағы № 802 Жарлығымен Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасы бекітілген.
Бұл бағыттағы дәйекті және кешенді көзқарас Қазақстан Республикасы Президентінің 2014 жылғы 26 желтоқсандағы Жарлығымен бекітілген Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру арқылы қамтамасыз етіледі.
«Сыбайлас жемқорлыққа қарсы іс-қимыл туралы» Заңның қабылдануымен алдын алу және қылмыстық-құқықтық құралдардың ақылға қонымды теңгерімі бар сыбайлас жемқорлыққа қарсы іс-қимыл жүйесі құрылды.
Азаматтық қоғам сыбайлас жемқорлыққа қарсы ағарту және оның кез келген көріністеріне «мүлдем» төзбеушілік атмосферасын құру арқылы сыбайлас жемқорлыққа қарсы күреске белсенді қатысады.
Сыбайлас жемқорлыққа қарсы іс-қимыл жүйесіндегі Қазақстан Республикасының 2022 — 2026 жылдарға арналған сыбайлас жемқорлыққа қарсы саясатының тұжырымдамасы сыбайлас жемқорлық тәуекелдерін, олардың туындауымен ілеспе жағдайлар мен себептерді анықтау мен азайтуды іргелі элемент ретінде айқындайды.
Осыған байланысты, мемлекеттік және жеке сектордағы сыбайлас жемқорлықтың себептері мен шарттарын жою мақсатында «Сыбайлас жемқорлыққа қарсы күрес туралы» Қазақстан Республикасының Заңында сыбайлас жемқорлық тәуекелдерін талдау сияқты сыбайлас жемқорлықтың алдын алу құралы қарастырылған, ол сыбайлас жемқорлық тәуекелдерін анықтауға және сыбайлас жемқорлық құқық бұзушылықтарды жасауға ықпал ететін себептер мен жағдайларды зерделеуге бағытталған.
Осылайша, Бородулиха ауданының ұйымдары мен мекемелерінің жоғарыда көрсетілген міндеттерін шешу мақсатында сыбайлас жемқорлық тәуекелдеріне ішкі талдау жүргізу кезінде Қазақстан Республикасы Сыбайлас жемқорлыққа қарсы іс-қимыл агенттігінің 2021 жылғы 7 сәуірдегі төрағасы бекіткен сыбайлас жемқорлық тәуекелдеріне ішкі талдау жүргізу жөніндегі әдістемелік ұсынымдар, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл жөніндегі агенттігі төрағасының 2016 жылғы 19 қазандағы № 12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидалары басшылыққа алынады.
«Бұл талдау ауданның барлық мемлекеттік мекемелерінде, оның ішінде квазимемлекеттік секторда жарты жылдың (жылдың) қорытындысы бойынша жүргізіледі. Осылайша, ауданның мемлекеттік мекемелерінде 2022 жылға және 2023 жылдың алты айына сыбайлас жемқорлық тәуекелдеріне ішкі талдау жүргізілді. Талдау 8 ішкі тапсырма бойынша жүргізілді. Оның қорытындысы бойынша сыбайлас жемқорлық тәуекелдері анықталған жоқ. Талдау нәтижелері аудан әкімінің сайтындағы сыбайлас жемқорлыққа қарсы іс-қимыл бөлімінде орналастырылады, кейіннен облыстың Мемлекеттік қызмет істері агенттігінің департаментіне және Қазақстан Республикасы Сыбайлас жемқорлыққа қарсы іс-қимыл агенттігінің департаментіне есеп беріледі. Бұл бағыттағы жұмыс жалғасуда және ерекше бақылауда», – деді аудан әкімі аппаратының басшысы.
Бұдан кейін Бородулиха аудандық білім бөлімі басшысының міндетін атқарушы Айжан Құрманованың «Ауданның білім беру мекемелерінде сыбайлас жемқорлық тәуекелдерінің алдын алу бойынша қабылданып жатқан шаралардың тиімділігі туралы» тақырыбындағы баяндамасы тыңдалды.
Аудан әкімі өткізілген отырыстың қорытындысы бойынша одан әрі шаралар қабылдау үшін тиісті ұсынымдар мен түсініктемелер берді.
Азамат СМАГУЛОВ
