Аудан әкімі Айдар Ибраевтың төрағалығымен әкімдік отырысы өтті. Отырысқа аудандық мәслихаттың төрайымы Сәуле Урашева, ауылдық округтердің әкімдері, мекемелер мен ұйымдардың, дербес бөлімдердің басшылары қатысты.
Күн тәртібінде үш мәселе қаралды. 2024–2025 жылдардағы жылыту маусымының қорытындылары және алдағы кезеңге қойылатын міндеттер жайлы Бородулиха ауданының тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Дәурен Жаныбек баяндады. Дәурен Жаныбекұлы барлық қазандықтар қалыпты режимде жұмыс істеп, жылу маусымы ақаусыз өткендігін айтты.
Екінші мәселе, ағымдағы жылдың І тоқсаны бойынша аудандық бюджеттің орындалуы бойынша Бородулиха ауданының қаржы бөлімінің басшысы Юлия Сутормина баяндады. Үшінші мәселе — Арнайы әлеуметтік қызмет көрсету орталығының қызметін лицензиялау туралы Бородулиха ауданының жұмыспен қамту және әлеуметтік бағдарламалар бөлімінің басшысы Альмира Байболова баяндады.
-Осы жылдың 17 қаңтарында Абай облысы Бородулиха ауданының арнаулы әлеуметтік қызметтер көрсету орталығы Қазақстан Республикасы Еңбек және халықты әлеуметтік қорғау министрлігінің Халықты әлеуметтік қорғау саласындағы реттеу және бақылау комитеті берген арнаулы әлеуметтік қызметтер көрсетуге лицензия алды.
347 қызмет алушыға, оның ішінде мүгедектігі бар 52 адамға, 295 зейнеткерге қызмет көрсетіледі,- деді Альмира Байболова.
Жиында аудан әкімі Айдар Ибраев жүктелген міндеттерді уақтылы, жоспарға сай орындау қажеттігін айтып, тиісті сала басшыларына тапсырма берді. Әр істің уақытылы әрі сапалы орындалуы тұрғындардың өмір сүру сапасын жаңа деңгейге көтеруге мүмкіндік беретінін де атап өтті.
Ай-Көркем МАҚЫШ,
«Жаңа уақыт» 
Маңызды мәселелер қалды
