Дмитриевка ауылдық округінде шағын футбол алаңының салтанатты ашылуы өтті. Іс-шараға Бородулиха ауданы әкімінің орынбасары Ерлан Селиханов қатысты.
Ерлан Селиханов өз сөзінде бұл алаңның жасөспімдердің спортпен айналысуына жол ашып, олардың уақыттарын тиімді ұйымдастыруына мүмкіндік беретініне сенім білдірді. Ашылу салтанатынан кейін футболдан Дмитриевка ауылдық округі әкімінің жүлдесіне турнир өтті. Жас аяқдопшылар тартымды ойын үлгісін көрсетіп, көрермендер көзайымына айналды. Қорытындысында жеңімпаздар мен қатысушылар ақшалай сыйлықтармен марапатталды.
Өз тілшіміз