Елімізде 25 қазан күні Ұлттық мереке – Республика күні атап өтіледі. 25 қазан – біздің еліміз үшін тарихымыздағы маңызды күндердің бірі, себебі 1990 жылы дәл осы күні Қазақ КСР Мемлекеттік Егемендігі туралы Декларация қабылданды
Осы орайда, 24 қазан күні Бородулиха аудандық Мәдениет үйінде Республика күніне арналған салтанатты іс-шара өтті. Мереке ҚР Әнұранын орындаудан басталды. Іс-шара аясында Бородулиха ауданының әкімі Айдар Ибраев тұрғындарды мерекемен құттықтап, өңірдің әлеуметтік-экономикалық дамуына елеулі үлес қосқан жерлестерді құрмет грамоталарымен және алғыс хаттармен марапаттады.
— Сіздерді келе жатқан Ұлттық мереке Республика күнімен құттықтаймын! Елдіктің іргелі қағидаттары ретінде Қазақстанның жеке территориясы, азаматтығы, мемлекеттік бюджеті, халықаралық қатынастардағы дербестігі, Мемлекеттік рәміздері бекітілді. 1990 жылы 25 қазанда Қазақстанның мемлекеттік егемендігі туралы декларациясы қабылданды. Республика күні ел халқының достығы, төзімділігі, жеткен жетістігі, ұлттық стратегиялық мүддесі мейлінше насихатталып, патриотизмді айқындайтын факторлар әлемге паш етілуі тиіс. Сондықтан, бұл құжаттың маңызын кетіруге болмайды. Оны бірінші кезекке қоюымыз керек. Халқымызды біріктіріп, береке мен бірлікке шақыратын Ұлттық мереке бейбітшілігімізді нығайтып, ұлттық құндылықтарымызды насихаттауға, дамытуға себепкер болуы тиіс. Атаулы мерекемен құттықтай отырып, баршаңызға зор денсаулық, амандық пен қуаныш тілеймін. Еліміз аман, жұртымыз тыныш болып, әрбір отбасында жақсылық пен шаттыққа толы күндер көп болсын. Егемендігіміз ерен, тәуелсіздігіміз баянды болсын! Мереке құтты болсын, ардақты ағайын!, – деді ол.
Бұдан кейін Бородулиха ауданының әлеуметтік-экономикалық дамуына қосқан үлесі үшін «Бородулиха ауданына – 95 жыл» мерекелік медалімен Г. Сопов, С. Урашева, Қ. Кабдрахманов, Б. Маймақов, Т. Қадіров, Б. Елемесов, М. Нұркешев, Б. Кулаков, Г. Лазарев марапатталды.
Жақында ғана аталып өткен мұғалімдер күніне орай, Қазақстан Республикасының Оқу-ағарту министрінің Алғыс хатымен Бородулиха колледжінің ұжымы марапатталады. Дәл осындай Алғыс хат Бородулиха аудандық Шығармашылық үйінің ұжымына табысталды.
Бородулиха ауданының Құрмет грамотасымен Г. Мамырбекова, Р. Молжигитов, С. Ахмеджанов, Қ. Жұмағазинова, В. Баканов, А. Карымсаков, Г. Ибраева, Е. Тұрарқанов марапатталды. Аудан әкімнің алғыс хатымен А. Ертаева, С. Карымов, В. Соколов, Н. Самочернова, С. Досмагамбетова, М. Рахимова, М. Смаилов, В. Яровой, С. Полуэктова, Е. Зенков, А. Ордыбаева, Н. Журавлева, А. Мамедова, А. Помельникова марапатталды.
Марапаттау рәсімінен кейін барлық салтанатты іс-шараға жиналған жұртшылық аудандық Мәдениет үйінің әншілері мен мектеп оқушаларының орындауындағы ән мен биді тамашалады.
Сұлтан ИБРАГИМОВ