Балалардың демалысын тиімді пайдалану мақсатында Республикалық «Айналайын» лагері жұмыс жасайды. Онда балалардың жазғы демалысын сапалы да қызықты өт¬кізу үшін барлық жағдай жасалған.
Ағымдағы жылдың 8 — 17 маусым күндер аралығында ауданымыздың үздік оқушылары Әлихан Бөкейхан атындағы қазақ орта мектебінің 5-сынып оқушысы Дәулет Абетов, 6-сынып оқушысы Ақниет Әбділқан, 8-сынып оқушысы Ерасыл Сайлауов, Николай Островский атындағы орта мектебінің 6-сынып оқушысы Адиль Бектембаев, 8-сынып оқушысы Елена Хасанова, 8-сынып оқушысы Алимжан Қадырбаев, Коростели орта мектебінің 8-сынып оқушысы Станислав Запасной, 5-сынып оқушысы Владислав Картавцев, Жезкент кентінің мектеп лицейінің 8-сынып оқушысы Милана Тлешова, 7 -сынып оқушысы Аружан Саятова, Переменовка орта мектебінің 5-сынып оқушысы Рамина Балтабаева, М. Әуезов атындағы орта мектебінің 6-сынып оқушысы Айгерим Куралова, 6-сынып оқушысы Арина Тлеухан, Новопокровка орта мектебінің 6-сынып оқушысы Богдан Поповтар «Айналайын» Алматы қаласының Демирель ауылының Республикалық лагерінде демалды.
— Балалар үшін жаз мезгілі өте пайдалы өтуі тиіс. Бұл мезгілде олар өз уақыттарын тиімді пайдаланып, жазғы демалыс орындарына бару арқылы танымдық, тағылымдық тұрғыдан дами алады. Сондықтан, жаз мезгілінде осындай жазғы сауықтыру лагері балалардың мүмкіндіктерін одан әрі аша түсуі тиіс, — «Айналайын» лагерінің қызметкері.
Салауатты өмір салтын насихаттау мақсатында легерьдің күнделікті тәртібінде демалушы балалардың дене бітімін сақтау үшін динамикалық жаттығулар кешенінен тұратын таңертеңгілік гимнастика қарастырылған. Гиподинамияның алдын алудың сенімді құралы болып табылатын ашық ойындарды ұйымдастыруға ерекше назар аударылған. Ойын-сауықтың басым бөлігі жасөспірімдердің ашық ауада болуына бағытталған. «Айналайын» лагерінің жұмыс бағдарламасы барлық жағынан мазмұнды болды: күннің бірінші жартысы спорттық, зияткерлік, шығармашылық конкурстардан тұрды, күннің екінші бөлігі ойын-сауық, танымдық сипатта өткізілді. Ақуыздар, майлар, көмірсулар, сондай-ақ көкөністер мен жемістерден тұратын 4 реттік ұтымды, алуан түрлі тамақтану, балалардың өсіп келе жатқан ағзасына сергектік пен денсаулық әкелетіні сөзсіз. Демалушылардың арасында «Қызықты ағылшын тілі», «Түрік тілін үйрену», «Тілшілер», «Би», «Вокал» «Қолданбалы өнер» үйірмелері ерекше танымал болды.
Мұнда балалар әр өңірден келеді және бұл жер бәріне ұнайды. Соның бірі – Бородулиха ауданының Әлихан Бөкейхан атындағы қазақ орта мектебінің 5 -сынып оқушысы Дәулет Абетов.
— Мұнда алғаш рет келуім, керемет демалыс өткізудемін және жаңа достар тауып та үлгердім. Балалар үшін жақсы жағдай жасалған, — дейді Дәулет.
Түрлі спорттық жарыстарға қатысумен қатар, балалар оңтүстік астананың көрікті жерлерімен танысып, саяхат жасады. «Көк төбеге» көтеріліп, аквапаркте демалды, атақты Арбатта серуендеп, Метро қызметін пайдаланып, кинотеатрларға барды.
Абай облысы Бородулиха ауданының балаларына демалыс өте ұнады, өйткені, дендерін сауықтырып, жаңа достар тауып «ЖАЗ 2023» демалысы туралы ойларында өшпес, жарқын әсер қалдырды.
Осылайша, лагерьдің әрбір күні сәнді де мәнді өтуде. Бұл тұста балалардың демалыстарын тамаша өткізуіне үлес қосқан тәрбиешілердің еңбектерін айта кеткен жөн, себебі балалардың көңілді демалып жатқандығы жүздерінен көрініп тұрды.
Сұлтан Ибрагимов
