Асық атып, арқан тартты

Садақ ату, бес асық және тоғызқұмалақ, гір көтеру, қазақша күрес сынды спорт түрлері бойынша ұйымдастырылған жарыс қызықты әрі тартысты өтті. Барлық қатысушылар бар күш-жігерін салды.
Тартысты өткен жарыстың жеңімпаздары мен жүлдегерлері ұйымдастырушылар тарапынан арнайы дайындалған кубоктарға ие болып, дипломдармен және медальдармен марапатталды.
Сонымен бірге, мереке күндері қазақ күресінен ауданның ашық біріншілігі өтті. Жарыста Переменовка, Новопокровка, Бородулиха ауылдық округтерінен келген 50-ге жуық спортшы өзара бақ сынасты.
Дмитриевка ауылдық округінде мектеп оқушыларының кіші тобы арасында аударыспақ, асық ату, қол күрес сынды ұлттық ойындар өтті.