Халқымызда «Ақыл – жастан, асыл – тастан» деген нақыл сөз бар. Жастар – қоғамның қозғаушы күші. Еркіндіктің ерен рухын паш етіп, азаттықтың шамын жаққан да жастар.Бүгінде елдіктің жолын жалғаған жігерлі жастарымыз егемен елімізді әлемге танытып, мәртебемізді биіктетіп, мерейімізді асыруда.
Бородулиха аудандық Жастар ресурстық орталығының ұйымдастыруымен аудан жастары жастар күніне орай ашық аспан астында фильм тамашалады. Таза ауада, самал жел аясында фильм тамашалауға аудан әкімінің орынбасары Мағжан Табылдин де қатысып, бәсекеге қабілетті, бірлігі бекем, белсенді жастары бар ел жетістікке жететінін атап өтті. Бұл мерекенің маңыздылығына да тоқталды.
— Ашық аспанда кино көру атмосферасы керемет болды. Осындай іс-шаралар ауызбіршілігімізді арттырып, көңіл-күйді көтеріп, жаныңа жылылық сыйлайды,- дейді ашық аспан астында кино көруге келген Азамат Сатбекұлы.
Ай-Керім СӘРСЕНҚАЛИ,
«Жаңа уақыт» 