Дүйсенбі күні аудан әкімі Айдар Ибраев жұмыс кестесіне сәйкес азаматтарды жеке мәселелері бойынша қабылдады. Қабылдау барысында Бородулиха ауылының тұрғыны аудан орталығындағы екі қабатты үйлерді орталықтандырылған жылу мен кәріз жүйесіне қосу мәселесін көтерді.
Қазандықтың қуаты қосымша үйлерді қосуға жетпейді. Сондықтан қазандықты жаңғыртуға арналған жобалық-сметалық құжаттама әзірлеу қажет. Бұл жұмыстарға келесі жылы қаржы бөлу жоспарлануда.
Сондай-ақ Успенка ауылындағы жарықтандыру, ұялы байланыс және жол мәселелері қозғалды. Успенка ауылының көшелерін жарықтандыру үшін биыл жобалау-сметалық құжаты әзірленеді. Жарықтандыру жұмысы келесі жылы басталады. Сондай-ақ ұялы байланыс мәселесі бойынша операторлармен келіссөздер жүргіземіз.
Жолды орташа жөндеу бойынша конкурстық процедуралар аяқталды, жақын арада жұмыс басталады. Жолды жақсарту үшін бүгін грейдер жіберіледі.
Өз тілшіміз
