26 сәуір күні Әлихан Бөкейхан атындағы қазақ орта мектебінде білім беру қызметкерлері арасында кәсіподақ спартакиадасы өтті. Шара салалық кәсіподақтың 100 жылдығына және Жұмысшы мамандықтары жылы аясында ұйымдастырылды.
Спартакиаданың негізгі мақсаты – бұқаралық спортты дамыту, тиімді демалысты ұйымдастыру және салауатты өмір салтын насихаттау болды. Жарысты «Бородулиха ауданының білім бөлімі» ММ мен білім беру қызметкерлері кәсіподағының аудандық комитетінің қолдауымен ұйымдастырылды. Қатысушылар волейбол, үстел теннисі, тоғызқұмалақ және әйелдер арасында шахмат түрлерінен өзара сайысқа түсті.
Волейбол жарысында І орынға Мұхтар Әуезов атындағы орта мектебі командасы, ІІ орынға Әлихан Бөкейхан атындағы қазақ орта мектебі, ІІІ орынға Жезкент орта мектебі командасы ие болды. Сондай-ақ арнайы номинациялар бойынша «Үздік шабуылшы» атағы Кәрімхантегі Ерсұлтан Әсетұлына (Мұхтар Әуезов атындағы орта мектебі), «Үздік қорғаушы» атағы Ван-Чун-Тин Алеша Ломиновичке (Жезкент орта мектебі), «Үздік бапкер» атағы Қажымұханов Мұсылманбек Қажымұханұлына (Әлихан Бөкейхан атындағы қазақ орта мектебі), ал «Пайдалы ойыншы» атағы Гофман Александр Игоревичке (Жерновка орта мектебі) табысталды.
Үстел теннисі жарысында ерлер арасында бірінші орынды Қажымұханов Мұсылманбек Қажымұханұлы (Әлихан Бөкейхан атындағы қазақ орта мектебі) жеңіп алды. Екінші орынды Алекпаев Максат Анатольевич (Жерновка орта мектебі), үшінші орынды Хазидолла Ерғазы Маратұлы (Жезкент орта мектебі) еншіледі. Әйелдер арасында үстел теннисінен бірінші орынды Калиоллаева Айым Тұрсынғалиқызы (Камышенка орта мектебі), екінші орынды Мәметекова Назерке Ержанқызы (Мұхтар Әуезов атындағы орта мектебі), үшінші орынды Сайбаева Светлана Викторовна (Переменовка орта мектебі) жеңіп алды.
Тоғызқұмалақ жарысында бірінші орынды Жезкент орта мектебі командасы, екінші орынды Ыбырай Алтынсарин атындағы орта мектебі командасы, үшінші орынды Владимир Комаров атындағы орта мектебі командасы иеленді.
Әйелдер арасындағы шахмат сайысында бірінші орын Москвичева Татьяна Викторовнаға (Жерновка орта мектебі), екінші орын Слямгалиева Салтанат Мергенбаевнаға (Мұхтар Әуезов атындағы орта мектебі), үшінші орын Тоқтабаева Индира Қаманурқызына (Әлихан Бөкейхан атындағы қазақ орта мектебі) бұйырды.
Барлық жеңімпаздар мен қатысушылар дипломдармен, медальдармен және ақшалай сыйлықтармен марапатталды. Кәсіподақ спартакиадасының ауыспалы кубогын Мұхтар Әуезов атындағы орта мектебі командасы жеңіп алды.
К. ДАУМБАЕВА,
Абай облысы кәсіподақ ұйымы қоғамдық ұйымының Бородулиха аудандық комитеті
филиалының төрайымы 