Аудан әкімі Айдар Ибраев азаматтарды жеке мәселелері бойынша қабылдады. Кездесуге келген Бородулиха ауылының тұрғыны сүт өнімдерін күн сайын дүкенге өткізетінін, алайда сүттің сапасы туралы анықтаманы тұрақты түрде алу қажеттігі қиындық туғызып отырғанын айтты. Айтуынша, бұл құжат тек облыс орталығында берілетіндіктен, ауыл кәсіпкерлері үшін айтарлықтай қолайсыздықтар туғызуда.
Ветеринариялық зертхана мамандарының түсіндіруінше, Бородулихада бруцеллез және басқа да ауруларға жануарларды диагностикалық тексеру ғана жүргізіледі, ал сүт өнімдері сапасының сараптамасы Семей қаласындағы азық-түлік қауіпсіздігі бөлімінде жасалады. Бұл мәселе шешімін табу үшін кәсіпкер ауданнан жануардың денсаулығы туралы малдың жұқпалы аурулардан таза екенін растайтын ветеринариялық анықтама ала ала. Облыс орталығына жиі бармай-ақ осы анықтама негізінде ол сүт өнімдерін саудалай алады.
Бұл шешім ауыл кәсіпкерлерінің жұмысын жеңілдетуге бағытталған.
Ай-Көркем МАҚЫШ,
«Жаңа уақыт»