Семей қаласындағы «Северный» сауда-логистикалық орталығында Бородулиха ауданының ауыл шаруашылық жәрмеңкесі өтті. Жәрмеңкеге ауданның ауыл шаруашылығы өнімдерін өндірушілер белсене қатысты.
Азық-түлік бағасын тұрақтандыру мақсатында ұйымдастырылған жәрмеңкені облыс әкімінің орынбасары Қуаныш Сүлейменов аралап көрді.
-Жәрмеңкеге Бородулиха ауданында өндірілетін ауыл шаруашылығы өнімдерін әкелдік. Қала тұрғындарына жаңа сойылған ет, сүт өнімдері, шұжық түрлері, бал және басқа да табиғи өнімдер ұсынылды. Жергілікті шаруашылықтардың өнімдері әрқашан сапасымен ерекшеленеді, тұтынушылардың жоғары сұранысына ие,- деді аудан әкімі Айдар Ибраев.
Облыс орталығындағы аудандар жәрмеңкесі қызу сауданың ғана емес, нағыз мерекелік күнге айналып келе жатыр. Бородулиха өнерпаздары концерт ұйымдастырып, тұтынушыларға көтеріңкі көңіл күй сыйлады.
Жалпы, ауыл шаруашылғы тауарларының жәрмеңкесі өңірдің агроөнеркәсіптік кешенін дамытуға, ауыл мен қала арасындағы байланысты нығайтуға бағытталған тиімді шара.
Ай-Керім СӘРСЕНҚАЛИ,
«Жаңа уақыт»