Іскер азамат – ел тірегі. Қай салада болсын жұмыстың алға басуы, оның нәтижелі болуы бірінші басшының іскерлігіне, біліктілігіне, өмірде жинаған тәжірибесіне байланысты.
Бұл тұрғыдан қарайтын болсақ, Бейсенғали Мендығалиұлы Маймаковтың ауданының сәулет, қала құрылысы және құрылыс саласында мәртебесі үстем, абыройы асқақ. Ол темірдей тәртіптің адамы.Оның жан-дүниесіне үңіліп, бойындағы қасиеттеріне мән берген жан қарапайым болмысын бірден таниды. Дүние мен мансаптан ары таза, жастардың жанашыры, парасат-пайымы өн бойына жарасқан биязы басшы.
Бейсенғали Мендығалиұлы Маймаков 1961 жылы 19 қаңтар күні Шығыс Қазақстан облысының Бородулиха ауданының Бородулиха ауылында дүниеге келген. 1969-1978 жылдар аралығында Н. Островский атындағы орта мектебінде оқыған. Мектепті бітірген соң 1978-1979 жылдары «Заветы Ильича» колхозының жүргізушісі болған. 1979-1981 жылдар аралығында әскери қызметін өтеген. Әскерден келген соң 1981-1982 жылдары«Заветы Ильича» колхозының жүргізушісі болған. 1982 жылы Целиноград ауыл шыруашылық институтына ауыл шаруашылығын механикаландыру мамандығы бойынша оқуға түсті. 1987 жылы оқуын бітіріп, 1996 жылға дейін «Заветы Ильича» колхозында механик – бақылаушы болып жұмыс істеді. 1996-2002 жылдары Бородулиха ауылы «Асыл» ЖШС бас энергетик болды. 2002-2003 жылдары Новодворовка ауылдық округі әкімінің аппараты ММ ауылдық округ әкімінің міндетін атқарушысы қызметін атқарды. 2003-2005 жылдар аралығында Новодворовка ауылдық округі әкімінің аппараты ММ ауылдық округ әкімі болды. 2006 жылдан 2009 жылға дейін ШҚО Бородулиха ауданының құрылыс бөлімінің жетекші маманы болды. 2010-2011 жылдары ШҚО Бородулиха ауданының сәулет, қала құрылысы және құрылыс бөлімінің жетекші маман қызметін атқарды. 2011-2016 жылдары ШҚО Бородулиха ауданының сәулет, қала құрылысы және құрылыс бөлімінің бас маманы болды. 2016 жылдан қазіргі уақытқа дейін Шығыс Қазақстан облысы Бородулиха ауданының сәулет, қала құрылысы және құрылыс бөлім басшысы қызметін атқарады.
Елім деп, туған жерім деп еміреніп, елі үшін маңдай терін төгіп, қызмет атқарып жүрген Бейсенғали ағамызға мықты денсаулық, ұзақ ғұмыр, баянды бақыт тілейміз. Осындай ағалардың барына, олар туған топырақта дүниегекелгеніне қатты қуанамын, мақтанамын! Себебі олар ел ертеңі үшін өз үлесін қосуға әрқашан да дайын жас өскін жерлестерімізге үлгі болуда.
Серік Тлекұлы