«Бородулиха-Вет» шаруашылық жүргізу құқығындағы коммуналдық мемлекеттік кәсіпорны үй жануарлары иелеріне (шаруа қожалық, жеке қосалқы шаруашылық, жауапкершілігі шектеулі серіктестік) «Tort Tulik» жаңа мобильді қосымшасы әзірленгенін хабарлайды.
«Tort Tulik» мобильді қосымшасы үй жануарлары тізіміне мониторинг жүргізу, оларды онлайн режимінде сату және сатып алу, тіркеу, сондай-ақ, сойылған малды есептен шығару, ветеринариялық паспорт беру, үй жануарлары және олардың иелерінің деректері бойынша мәліметтерді түзету үшін әзірленген.
Сонымен қатар, алдағы уақытта «sogym.kz» қосымшасы жаңартылады, онда ветеринариялық бақылаудан өткен етті сатып алу бойынша бөлімдер, ветеринариялық қызметті алу мен жариялауға арналған «Vet.market» бөлімі енгізіледі.
«TortTulik» ауыл тұрғындары үшін ақпараттық қосымшаға айналады. Қолданбада саланың соңғы жаңалықтарын тарату мүмкіндіктері бар, сондай-ақ, онда алдағы вакцинация туралы хабарламалар орналастырылады.
Әзірге, «TortTulik» мобильді қосымшасын тек Android Playmarket-тен жүктеуге болады, кейінірек әзірлеушілер қосымшаны iOS-тағы смартфондарға бейімдейді.
Б. Баяхметов,
«Бородулиха-Вет» шаруашылық жүргізу құқығындағы коммуналдық мемлекеттік кәсіпорнының — директоры