Жуырда наурыз айының 30-31 күндері облыс орталығы Семей қаласында жасөспірім арасындағы дзюдо күресінен балалар мен жасөспірімдер арасында Балалар мен жастардың шығармашылық сарайының облыстық ашық турнирі болып өтті.
Бұл жолғы байрақты бәскеге барлығы 13 команда қатысып, жас балуандар татами төрінде бақ сынады. Осынау жарысқа «BATYR» спорттық патриоттық клубы, Бородулиха ауданының «Балалар жасөспірім спорт мектебінің» тәрбиеленушілері де қатысып, нәтижелі орындарға ие болды. Тоқтала кетсек, Ернұр Кумаров 42 келі салмақта сынға түсіп, 1 орынды жеңіп алды. Осы салмақтағы Арнұр Кумаров 2 орын алды. Ал, Батырхан Кенжеғали 32 кг салмақта белдесуге шығып, жүлделі 3-ші орынды қанжығаға байлады.
Сонымен қатар, жас дзюдошылар Әлинұр Қайратов 26 келіде сынға түсіп, 3 орынды місе тұтті. 46 келі салмақта белдескен Диас Айткожаев 2-ші орын алса, Матвей Майер 36 кг салмақта 3 орынды жеңіп алды.
Бір бұл емес, белсене қатысқаны және ынтасы үшін Азим Азатұлы, Роман Русанов, Әли Шынгызовтар арнайы дипломдармен марапатталды.
Айта кетсек, балғын спортшылардың дзюдо бапкері Қуаныш Байболовтың шәкірттері осылайша биік белестерді бағдындыруда. Барлық жеңімпаз спортшыларды құттықтай отырып, алдағы уақыттарда да жеңіс тұғырынан көріне берулеріне тілектестік білдіреміз.
Әйгерім СӘРСЕНҚАЛИ,
«Жаңа уақыт»