Жуырда облыс орталығы Семей қаласында дзюдо күресінен 2011-2012, 2013-2014 және 2015-2016 жылы туған жасөспірімдер арасында ашық турнир өтті.
Жарысқа Курчатов қаласы, Жарма ауданының Шар қаласы, Семей қаласының №№21, 12, 41 орта мектептері мен «Арлан» спорт клубының, Бородулиха ауданының Ново-Шульба ауылының, BATYR спорттық клубының, Үржар ауданының спортшылары – жалпы 120 оқушы қатысты.
Жарыс нәтижесі бойынша BATYR спорттық-патриоттық клубының тәрибленушілері- Батырхан Кенжеғали 26 келі салмақта 3 орын, Нұртай Уатханов 32 келі салмақта 2 орын, Ернұр Құмаров 35 келі салмақта 3 орын, Арнұр Құмаров 35 келі салмақта 2 орын және Радмир Мұхаметжанов 23 келі салмақта 3 орын алды. Жарыс жоғары деңгейде өтті. Жеңімпаздардың жаттықтырушысы — Қуаныш Байболов.
Өз тілшіміз 