Әскерге бару – азаматтық парыз. Барлық елде, барлық уақытта елін, жерін, Отанын қорғау – міндет, қалыптасқан дәстүр. Бір ғана айырмашылық оның заңдылығы мен географиялық аймағында. Қазақстан әркез тұрақтылықты, бейбітшілікті қалайтын зайырлы, демократиялық мемлекет. Өзінің тәуелсіздік алған жылдарынан бері бұл ұстанымы мен принциптері беки түсті. Бүгін де Қазақстан қарулы күштерінің барлық әлеуметтік, базалық, әскери мүмкіндіктерін арттырып, мемлекеттің тікелей қамқорлығы мен қадағалауындағы біртұтас жүйеге айналдырды.
11 шілде күні Коростели ауылында тарихи іс-шара өтті. 78 жыл бойы Ұлы Отан соғысында із-түссіз жоғалған солдаттар қатарында болған жерлесіміз Бейсембай Тұғышпаевтың қаза тапқаны туралы медальоны мен жеке заттарын туыстарына табыстау рәсімі өтті. Соғыс – бұл тек жоғалтулар, жеңістер мен жеңілістер ғана емес, сол кезден бізге жеткен жәдігерлерде сақталған естелік. Таяуда ғана Ұлы Отан соғысында хабарсыз кеткен майдангердің дүние-мүлкі Бородулиха ауданының ұрпақтарына қайтарылды. Көптен жоспарланған шара ақыры жүзеге асты.
Бейсембай Тұңғышпаевты 1941 жылы 22 тамызда Шипунов аудандық әскери комиссариаты Қызыл Армия қатарына шақырған. Одан кейін жауынгерлік жасақтарды толықтыру мақсатында Бийск қаласында құрылған 76-запастағы атқыштар полкіне, 23-ші запастағы атқыштар бригадасына әскери дайындыққа жіберілді. Ол жерден Глуховский майданына жіберілді. Осыдан кейін ол туралы ешқандай ақпарат болмады.
Ресей федерациясының «Ресейдің іздестіру қозғалысы» жалпы ресейлік қоғамдық қорының Алтай өлкесінің жетекшісі Галина Николаевна Буймова бастаған бір топ еріктімен кездесу кешінде 2020 жылы 19 наурызда бұрынғы Ленинград облысының 1-Эстон ауылының маңынан табылған қазба жұмысынан 1942 жылдың ақпан айынан бастап із-түссіз жоғалғандар тізімінде болған жерлесіміздің табылған заттары жеткізілді. Пандемияға байланысты туыстарына қаһарман аталарының медальонын беру рәсімі тоқтап қалған еді. Жерлес соғыс ардагерінің денесі 2020 жылдың қыркүйегінде «Синявинские высоты» соғыс мемориалында жерленген. Аталаған мемориалдан марқұмның топырағы да туған жеріне жеткізіліп, туыстарына табысталды. Қазақстандық «Майдан жолы» іздеу жасағымен, оның ішінде Коростели ауылының тумасы, ардақты ұстаз Байкенова Зәуреш Ертайқызының бірлескен жұмысының нәтижесінде соғыс шебінде қаза тауып, сүйегі елден жырақта қалған батыр бабаларымыздың естеліктері жаңғырып, батырлығы артындағы ұрпағына үлгі болып жетіп, топырағы туған жерге жеткізілуде.
Еске алу кеші Коростели ауылындағы «Белгісіз солдат» ескертішінің алдында және жергілікті Ауған соғысының ардагері С.И. Морозкиннің ескерткішіне гүл шоқтарын қоюмен басталып, салтанатты шарамен жалғасты. Кездесуге Өскемендегі Ресейдің Бас консулдығының консул-кеңесшісі Николай Хохлов, Алтай аймағының «Орандалық белгі» іздеу жасағының өкілдері Галина Буймова, Оксана Трикина, Алина Бейіс, «Майдан жолы» қазақстандық іздестіру жасағының өкілі Зәуреш Байкенова, сондай-ақ Бородулиха аудандық мәслихатының төрайымы Сәуле Урашева, Бородулиха аудандық ішкі саясат бөлімінің басшысы Медет Жайдарбеков қатысты.
Аудандық мәдениет үйінің қызметкері Анжела Мамедованың орындауындағы әндер, Валентина Жигалина мен Юрий Горяев оқыған өлеңдері кездесу тарихына енді.
Іс-шараға қатысушылар атынан Ауған соғысының ардагері Қуат Үкібасов, зейнеткер Зина Дулатова қонақтарға шексіз алғыстарын білдірді. Кеш барысында Бейсмбай Тұңғышпаевтың туыстары естеліктер айтып, алғыс білдірді. Ресей федерациясынан арнайы келген іздеу тобының жетекшісі Г.Н. Буймоваға және З.Е. Байкеноваға аудан әкімінің Алғыс хаттары табысталды. Кеш жергілікті музейді аралаумен аяқталды.
Сұлтан Ибрагимов
