Биыл 30 наурызда VIII шақырылған Бородулиха аудандық мәслихатының бірінші ұйымдастыру сессиясы өтті. Оған Бородулиха ауданының әкімі Ахметқали Нұрғожин, аудан әкімінің орынбасарлары, құқық қорғау органдарының, дербес бөлімдердің басшылары, бұқаралық ақпарат құралдары қатысты.
Отырысты Бородулиха аудандық аумақтық сайлау комиссиясының төрағасы Сергей Харченко ашты. Өткен сайлаудың қорытындысын жариялаған Сергей Харченко жаңа VIII шақырылымның депутаттарын жеңісімен құттықтады.
«Қазақстан Республикасындағы сайлау туралы» Конституциялық заңға сәйкес, және дауыс беру қорытындысы бойынша келесі азаматтар Бородулиха аудандық мәслихатының депутаттары болды:
№1 сайлау округі бойынша – Ерлан Әбілғазыұлы Ертаев;
№2 сайлау округі бойынша – Құрамысов Мадижан Абайханұлы;
№3 сайлау округі бойынша – Айтуған Габдулғазизұлы Кудушев;
№4 сайлау округі бойынша – Сәуле Тұрсынқызы Урашева;
№5 сайлау округі бойынша – Виктория Анатольевна Мокроусова;
№ 6 сайлау округі бойынша – Денис Александрович Подкорытов;
№7 сайлау округі бойынша – Ерғали Байдрахманұлы Бимурзин;
№8 сайлау округі бойынша – Кималидин Сағалбайұлы Апенов;
№9 сайлау округі бойынша – Меиз Тоқанқызы Сиюндыкова;
№10 сайлау округі бойынша – Вера Иосифовна Балтабаева;
№11 сайлау округі бойынша – Мұсылманбек Қажымұханұлы Қажымұханов;
№12 сайлау округі бойынша – Жанар Бейсенқызы Абдилова.
Депутаттарға куәліктер мен төсбелгілерді тапсыру салтанатты рәсімі өтті.
Күн тәртібінде келесі мәселелер қаралды: 1. VIII шақырылған Бородулиха аудандық мәслихатының бірінші сессиясының регламенті туралы. 2. VIII шақырылған Бородулиха аудандық мәслихатының төрағасын сайлау туралы. 3. VIII шақырылған Бородулиха аудандық мәслихатының тұрақты комиссияларын құру туралы. 4. VIII сайланған Бородулиха аудандық мәслихатының тұрақты комиссияларының төрағалары мен құрамын сайлау туралы.
Сессия шешімімен Бородулиха аудандық мәслихатының төрайымы болып Сәуле Тұрсынқызы Урашева сайланды.
Азамат Смагулов