Жақында аудан әкімдігінде Бородулиха ауданы әкімінің орынбасары Мағжан Табылдиннің төрағалығымен «Семей орманы» республикалық мемлекеттік мекемесінің орман өртінен қаза тапқан қызметкерлердің отбасыларымен «Ұлттық волонтерлік желі» қауымдастық нысанындағы заңды тұлғалар бірлестігінің төрайымы Вера Киммен және «Отбасы Банк» тұрғын үй құрылыс жинақ банкі акционерлік қоғамының Абай облыстық филиалының директоры Равиль Сәбитовпен кездесу өтті.
Вера Ким барша қазақстандықтың атынан қаза болғандардың отбасыларына көңіл айтып, азаматтар мен заңды тұлғалардың ерікті бірлестігі 2006 жылдан бері түрлі бағытта жұмыс істеп келе жатқанын айтты. Бұл да жалғызбасты қарттарға, мүмкіндігі шектеулі жандарға, экологиялық мәселелерге еріктілердің көмегі. Еріктілер желісі пандемия кезінде Екібастұз ЖЭО-да болған апат кезінде белсенді түрде қатысып, Абай облысындағы ірі өрт кезінде көмек көрсетуден өте алмады.
Өрт сөндіру кезеңінде жиналған қаражатқа қосалқы бөлшектер, тиісті киім-кешек, дәрі-дәрмек, азық-түлік және басқа да қажеттіліктер сатып алынды.
– Төтенше жағдай орын алған сәтте біздің волонтерлік желі қаражат жинауға шешім қабылдады. Еліміздегі азаматтардың арқасында 224 миллион теңге жиналды, – деді Вера Александровна. – Біз қаза болғандардың отбасыларына мемлекет тарапынан тиісті көмектің көрсетілгенін білеміз. Біз өз тарапымыздан әрбір кәмелетке толмаған баланың есепшотына 15 миллион теңге түседі деп шештік. Кәмелетке толмағандар 18 жасқа толғанға дейін бұл қаражат «Отбасы банкіндегі» жинақ шоттарында сақталады. Оған қоса, әр балаға ноутбук сатып алдық.
«Отбасы Банкі» АҚ филиалының директоры Равиль Сәбитов бүгінде банктегі ашық шоттарда болатын кәмелетке толмаған балалардың қаражаттары тек қана сақталып қана қоймай, сонымен қатар өсетінін атап өтті, өйткені ай сайын жылдық 2% және жыл сайын 20% есептеліп отырады. Балалар кәмелеттік жасқа толғаннан кейін бұл қаражатты алып тастауға және тұрғын үй сатып алуға немесе оқуға немесе басқа қажеттіліктерге жұмсауға болады.
Жұмыспен қамту және әлеуметтік бағдарламалар бөлімінің және АХАТ бөлімінің басшысы Альмира Байболова Бородулиха ауданының әлеуметтік саласының өкілі ретінде барша ата-аналар атынан Ұлттық еріктілер желісіне және «Отбасы Банкі» АҚ-на көрсеткен көмегі үшін алғысын білдірді.
– Біздің ортақ бақытсыздыққа сіздердің ұйымдарыңыздың жауап бергеніне қуаныштымыз. Бүгінде балаларымыздың болашақта жеке баспанамен қамтамасыз етілетініне сенімдіміз. Басқа ұйымдар да үлкен көмек көрсетті. Осындай көмек көрсеткен барша қазақстандыққа мың алғыс, – деді Альмира Қадырбайқызы.
Мұнан соң ата-аналар мен балаларға тұрмыстық жағдайын жақсартуға арналған баспана сертификаттары, ноутбуктер мен «Отбасы Банкі» атынан сыйлықтар табыс етілді.
Ербол Темирбулатов