Жыл сайын Қазақстанда тұрмыстық зорлық-зомбылықтың мыңға жуық оқиғасы тіркеледі. Бұл тек ресми статистика деректері. Моральдық және физикалық зорлық-зомбылық бірнеше жылдар бойы жабық есіктердің артында, көзге көрінбестен жалғасуы мүмкін.
Отбасы-тұрмыстық қатынастар саласында және алкогольдік масаң күйде жасалатын қылмыстар мен құқық бұзушылықтардың алдын алу бойынша жұмыстарды ұйымдастыруды жетілдіру мақсатында Бородулиха ауданының аумағында 15-26 қаңтар аралығында «Тұрмыс» жедел-профилактикалық іс-шарасы өткізілуде.
Іс-шараның негізгі мақсаты – отбасы-тұрмыстық қатынастар саласында және алкогольдік мас күйде жасалатын қылмыстар мен құқық бұзушылықтардың алдын алу.
«Тұрмыс» жедел-профилактикалық іс-шара барысында:
— тұрмыста құқық бұзушылық жасауға бейім, оның ішінде бұрын полиция органдарында отбасы-тұрмыстық қарым-қатынастар саласында заңға қайшы әрекеттер жасағаны үшін профилактикалық есепте тұрған адамдарды тұрғылықты жері бойынша тексеру толық жүргізіледі;
— профилактикалық жұмыс жүргізу мақсатында полиция
органдарында есепте тұрған әрбір қолайсыз отбасы тұрғылықты жері бойынша тексеріледі;
— тұрмыстағы құқық бұзушылықтардың уақтылы алдын алу кезінде анықталған құқық бұзушылық және осы талаптарды орындамау фактілері бойынша әсер ету шараларын қабылдай отырып, «қорғау ұйғарымы» санаты бойынша полиция органдарында есепте тұрған және оларға қатысты
мінез-құлқына ерекше талаптар белгіленген адамдарға тексеріс ұйымдастырылады;
— үкіметтік емес ұйымдардың дағдарыс орталықтарында азаматтарға отбасы-тұрмыстық қарым-қатынастар мәселелерінде көмек көрсете отырып, тұрмыстық зорлық-зомбылықтан жәбір көргендерге құқықтық және түсіндіру жұмыстары жүргізіледі.
Бұл бағыттағы жұмыстар бөлім басшылығымен қатаң бақылауға алынып, жұмыстар одан әрі өз жалғасын таба бермек. Егер де сіз немесе сіздің жақындарыңыз тұрмыстық зорлық-зомбылықтың құрбаны болса, онда үнсіз қалмаңыздар. Сіз өзіңіз тұратын мекен-жайыңызға қарасты учаскелік пункке немесе Қармақшы аудандық полиция бөлімінің «102» нөміріне хабарласа аласыз.
А. Дузбенбетова,
Бородулиха АПБ ЖПҚБ
Әйелдерді зорлық-зомбылықтан қорғау тобының
инспекторы, полиция капитаны