Аудан әкімі Айдар Ибраевтың төрағалығымен төтенше жағдайлардың алдын алу және оларды жою жөніндегі аудандық комиссияның отырысы өтті.
Жиында Бородулиха ауданының су тасқыны мен өрт қаупі жоғары кезеңдерге дайындығына қатысты негізгі мәселелер қаралды. Бұл – салғырт қарауға болмайтын, барлық қызметтердің бірлескен жұмысын қажет ететін бағыт.
Көктемгі су тасқынына дайындық туралы азаматтық қорғау және төтенше жағдайлар жөніндегі бас инспектор баяндама жасады. Гидротехникалық нысандардың жағдайы, қауіп-қатерлер ықтимал және күрделенген жағдайда атқарылатын шаралар жан-жақты талқыланды.
Сондай-ақ, командалық-штабтық және кешенді оқу-жаттығуларды, штабтық жаттығуларды ұйымдастыру мәселелері қаралды. Мұндай шаралар төтенше жағдай кезінде барлық қызметтердің үйлесімді әрекет етуі үшін аса қажет.
Жиында өрт қаупі жоғары кезеңге дайындыққа ерекше назар аударылды. Атап айтқанда, аудан аумағындағы өрт бекеттерін жаңғырту және нығайту мәселелері талқыланды.
Отырыс қорытындысы бойынша жауапты қызметтерге нақты тапсырмалар берілді. Тұрғындардың қауіпсіздігін қамтамасыз ету бойынша алдын алу шаралары, уақтылы дайындық пен жергілікті жердегі қатаң бақылау шешуші рөл атқаратыны атап өтілді. Бұл бағыттағы жұмыстар жүйелі түрде әрі тұрақты жалғастыратын болады.
«ЖУ» ақпарат