Өткен аптада Бородулиха аудандық мәслихатының төрағасы Урашева Сауле Тұрсынқызы VIII шақырылымның кезектен тыс XL сессиясын онлайн режимінде өткізді. Сессия жұмысына ауылдық және кенттік округтердің әкімдері, аудандық жер қатынастары бөлімінің басшысы Ж.Мусин және басқа да тиісті мамандар қатысты.
Күн тәртібіне сәйкес, Ж.Мусин аудан аумағындағы бірнеше ауылдың – Ремки, Переменовка, Орловка, Андроновка – шекарасын нақтылау мәселесі бойынша толық ақпарат берді. Ақпаратта әр ауылдың шекаралық ерекшеліктері, шекараларды бекіту кезінде ескерілетін заңнамалық нормалар, сондай-ақ жер учаскелерінің пайдалану және меншік құқықтары туралы мәліметтер қамтылды.
Сессия барысында Андреевка, Бақы, Дмитриевка, Зубаир, Краснояр, Құнарлы, Новодворовка, Новопокровка, Новошульба, Петропавловка, Подборное, Степное ауылдық округтерінің және Жезкент кенттік округінің әкімдері де өз түсіндірмелерін беріп, жер учаскелерінің нақты шекарасын белгілеуде кездесетін практикалық мәселелерді талқылады. Әкімдер ауыл тұрғындарының мүдделерін қорғауға, жер қатынастары бойынша заңдылықты қамтамасыз етуге бағытталған ұсыныстарын ортаға салды.
Депутаттар күн тәртібіндегі барлық мәселелерді жан-жақты қарап, тиісті шешімдер қабылдады. Осылайша, аудан аумағында жер шекараларын бекіту және рәсімдеу жұмыстары заңға сай, ашық әрі түсінікті жүргізілетініне сенім пайда болды.
Бұл сессияның нәтижесі жер қатынастарының заңдылығы мен аудан тұрғындарының құқықтық қауіпсіздігін нығайтуға бағытталған маңызды қадам болып табылады. Қабылданған шешімдер жер қатынастары жүйесінде тұрақтылық пен анықтық орнатуға, ауылдық округтердің дамуына және жер ресурстарын тиімді пайдалануға мүмкіндік береді.
Бородулиха ауданының
мәслихат аппараты