26 тамыз күні Бородулиха ауданының Жезкент кентінде ауданымыздың 95 жылдығына орай кеншілер күні тойланды. Сол күні таңертеңнен қонақтар мен жергілікті тұрғындар үшін орталық алаңда салтанатты шара ұйымдастырылып, жәрмеңкелер мен көрмелер өткізіліп, киіз үйлер тігілді, спорттық жарыстар мен мерекелік концерт ұйымдастырылды.
Жезкент кентінің тұрғындары үшін кеншілер мерекесі аса маңызды. Ауыл тұрғындары мен қонақтарына спорттық ойын-сауық бағдарламасы ұсынылды.
Бұл күні тұрғындар қаза болған кеншілерді еске алды. Аудан әкімі Айдар Ибраев, қорғаныс-өнеркәсіп кешенінің басшылығы «Металлург» мәдениет сарайы алаңында орналасқан «Қайтпас қайсар кеншілер» монументіне гүл шоқтарын қойып, бір минут үнсіздік жариялады. Одан кейін Жезкент кентінің ипподромында ат жарысы өтіп, оған жан-жақтан келген облыс азаматтары қатысты.
Негізгі мерекелік шара ауылдың орталық алаңында өтіп, барша тұрғынға арнап киіз үйлер тігіліп, үлкен концерттік бағдарлама ұйымдастырылды. Жезкент Мәдениет үйінің жанындағы орталықта түрлі сауда-саттық алаңы орнатылып, кеншілер қалашығының бала-шағалары мен тұрғындары, еңбеккерлері мерекені қуанышпен қарсы алды.
Спорттық іс-шараларға, оның ішінде күреске, арқан тартысқа барлық тұрғын қатысуға мүмкіндік алды. Кеншілер мен олардың отбасыларына арналған бұл мерекелік шаралар ешкімді бей-жай қалдырмады. Кеншілер мен байытушылардың мерекесінде ең маңыздысы – үздік қызметкерлерді ынталандыру және Бородулиха өңірінің өнерпаздары мен шақырылған жұлдыздардың қатысуымен өткен концерттік бағдарлама болды.
Кеншілер күніне арналған мерекелік шараны салтанатты түрде ашқан Бородулиха ауданының әкімі Айдар Ибраев барша жұртшылықты мерекемен құттықтады.
– Кеншілер күні – ауданымыз үшін маңызды әрі айтулы кәсіби мерекелердің бірі. Уақыт көрсеткендей, жыл санап бұл мамандықтың танымалдылығы артып, қазір ондаған әулет иық тіресе еңбек етіп, жинақталған өндірістік тәжірибені аға буыннан жастарға жеткізуде. Кеншілер – жігерлі адамдар. Осы орайда, облысымыздың ғана емес, бүкіл еліміздің экономикасының дамуына орасан зор үлес қосып жүрген жанқиярлық еңбектеріңіз үшін алғыс айтқым келеді, – деді аудан басшысы.
Осы орайда, Айдар Ибраев аудан әкімнің Алғыс хатымен Орловск өндірістік кешені «Востоцветмет» ЖШС филиалының директоры Косых Евгений Васильевич, аудандық мәслихат депутаты Меиз Сиюндыкова, «Востокцветмет» ЖШС Орловск өнеркәсіптік комбинаты филиалы Орловск байыту комбинатының фильтрлеу және кептіру корпусының учаске механигі Ержан Тұмарбеков, «Востокцветмет» ЖШС Орловск өнеркәсіптік кешені филиалы Орловск кенішінің №3 жерасты тау-кен учаскесінің бұрғылаушысы Сергей Поливода, «Востокцветмет» ЖШС Орловск өнеркәсіптік кешені филиалы Орловск кенішінің дизельдік көлік учаскесінің ПДМ машинисі Олег Шушков, 4-разрядты ағаш өңдеу станоктарының машинисті Андрей Барабановтарды марапаттады.
Сондай-ақ, Алғыс хатпен Иван Гиндер, Мейрамгуль Амренова, Алена Хмелева, Галина Колобова, Айгуль Мусабаева, Орловск өндірістік кешені «Востоцветмет» ЖШС филиалының директоры Евгений Косых, «Полюс Арсенал» ЖШС директоры Қуат Сүлейменов, кәсіподақ төрағасы Айгүл Абылғазинова, «Кәсіпқорған» кәсіподақ ұйымының төрайымы Светлана Сатубалдинова, Орловск өнеркәсіптік комбинаты «Аманат» партиясының төрағасы Екатерина Козлова, «Жастар Одағы» қоғамдық бірлестігі төрайымы Айман Құрманғалиевалар марапатталды. «Востокцветмет» ЖШС басқарма төрағасының еңбегі мен жетістіктері үшін грамотасымен Данабек Надрханов, Ернат Муратов, Аслан Айтуганов, Баян-сулу Манакова, Елена Мукажанова, Николай Таургалиновтар марапатталды. Еңбек даңқы және Кенші даңқы ведомстволық наградаларына көп жылғы адал әрі мінсіз еңбегі, тау-кен өнеркәсібін дамытуға қосқан елеулі үлесі мен кәсіби шеберлігі үшін Қуаныш Төлегенов, Руслан Сүлейменов, Ерболат Қыдырбеков, Ринат Омаров, Темірқан Шалабаев, Наталья Яковлева, Мұхтар Анибаев, Ерғали Нартпаев, Александр Кузьмин, Арман Молдабеков, Любовь Припутько, Бауыржан Шакеров, Бауыржан Сейтжапаров, Қуаныш Нұртаев, Евгения Полежаева, Елтай Валиев, Дәулет Өміржановтар марапатталды. Құрмет грамоталарымен, медальдармен және ақшалай сыйлықтармен Жұмағали Анашбаев, Серік Мамбетов, Ерлан Испаев, Елжан Зарлыханов, Дмитрий Кузьмин, Николай Шлапак, Дудар Кайсин, Роза Карменова, Данияр Батколдин, Абай Бильтаев, Марат Мамытов, Нұржамал Ковалева, Қахарман Кобентаев, Серик Дуйсенғазинов, Мұрат Сергазинов, Сергей Маркин, Сергей Минин, Мұхтар Елеусізов, Мади Дангебаев, Бекзат Смагулов, Қайырбек Құдайбергенов марапатталды. Құрмет грамоталарымен және сыйлықтармен Святослав Воронцов, Бақытғазы Куанов, Иван Протас, Нұрлан Байбутинов, Бақыт Бельгибаев, Ирина Гаймалетдинова, Юрий Разаков, Ардак Баймбетов, Ерик Жетыбаев, Семейғазы Искаков, Социал Досаев, Гульнара Баймбетова, Марат Қуанышев, Наталья Светашова, Дудар Кайсин, Александр Филатов, Айдос Еркімбековтар марапатталды. Алғыс хаттармен Вячеслав Шишенко, Елена Лунёва, Мейрамбек Нұрышев, Лариса Леонтьева, Асет Қусаинов, Ақжол Темерқанов, Айтбай Нұғыманов, Елеусиз Ожаров, Бауржан Оспанов, Бакытжан Жагпаров, Константин Апенько, Олег Селиванов, Николай Мельников, Юрий Разаков, Денис Мирошниченко, Диана Петрий, Владимир Чагин, Қуандық Камзин, Надежда Ильенко, Алёна Дюсембекова, Ольга Болозина, Валерий Мишин, Қуаныш Бікенов, Қуаныш Байшолпанов, Ерболат Зулькарам лайық деп табылды.
Мерекелік кеш «Алем Шаңырақ», «Don`t STOP», «Гранж», LIVE BAND «NEW TONE» топтарының, әнші Ринат Малцаговтың, Бородулиха ауданы әртістерінің өнеріне ұласып, олар көпшіліктің ықыласына бөленді.
Кеншілер құрметіне үлкен отшашу ұйымдастырылып, көңілді кеш жастар дискотекасымен жалғасты.
Сұлтан Ибрагимов
