Бородулиха ауданының төтенше жағдайлар бөлімі ӨС-12 және Бородулиха аудандық ішкі істер бөлімі, Шүлбі су қоймасы қызметкерлерімен бірлесе отырып, профилактикалық жұмыстар жүргізді.
Рейд барысында балықшыларға судағы қауіпсіздік ережелері түсіндіріліп, үгіт-насихат парақшалары таратылды.
Мұз үстіндегі қарапайым қауіпсіздік ережелерін қатаң сақтау маңызды.
1) жұқа және бекімеген мұз үстіне шығуға;
2) мұздың жекелеген учаскелерінде топпен жиналуға;
3) мұздағы жырмаларға, жарықтарға, ойықтарға жақындауға;
4) автомобильдермен арнайы жасақталған өткелдерден тыс жерге, яғни су айдындарына шығуға;
5) мұз үстіне түнгі уақытта және дұрыс көрінбейтін кезде шығуға рұқсат етілмейді.
Жеке құтқару құралдары болғанда ғана мұз үстінде балық аулауға рұқсат етіледі. Сонымен қатар мұз астынан балық аулау кезінде:
1) шектелген алаңда екеуден артық шұңқырша оюға;
2) мұз үстінде от жағуға рұқсат етілмейді.
Қауіпсіздік ережелерін қаперде ұстаған абзал.
Бородулиха ауданының ТЖБ 