3 ақпанда аудандық мәдениет үйінде Бородулиха ауылдық округінің әкімі Бақыт Садықованың есеп беру кездесуі өтті. Әкім округте 2022 жылы атқарылған жұмыстарға кеңінен тоқталып, осы жылдың жоспарлары мен міндеттерін жария етті.
— Аудан аумағында су басу және еріген қар суы шайып кету қаупі бар бірнеше учаскелер болды, солардың бірі – Бородулиха ауылының Спутник аумағындағы көпір, оны жыл сайын еріген сулар шайып кететін. Биыл биіктігі 1,5 метр 3 құбыр тартылып, түйткілді мәселе шешілді, көпірді қалпына келтіру, плиталарды төсеу, т.б. жұмыстар жүргізілді.
Сондай-ақ, Бірлік көшесінің бойына, 173-үйдің жанынан диаметрі 1 метр болатын су өткізгіш құбыр орнатылып, жол бөлігін қалпына келтіру жұмыстары жүргізілді.
— 2021 жылы салынған үйлерге қарама-қарсы Бородулиха-КСХТ жолында су өткізгіш құбырлар тасқын кезінде судың көлеміне төтеп бере алмай, жолды шайып, бірнеше үйді су басу қаупі төнген. Осыған байланысты, су өткізгіш құбыр орнатылып, жол бөлігін қалпына келтіру шаралары атқарылды, — деді ,Бақыт Садықова.
Оның айтуынша, Лесхозда Совет көшесінің басталуына дейін егістік жақтан 1 метр жерге топырақ қоршау көтеріліп, су өткізгіш құбыр орнатылған, жол төсеніші қалпына келтірілген, Летник аумағында (Бородулиха ауылы, Пионерская көшесіне өту) көпір салынған.
— Бұрынғы көпірді жыл сайын еріген қар суы шайып отырды, өйткені құбырлар ағынға төтеп бере алмай, су көпірдің периметрінен шығып, оған кіретін жолды шайып кеткен. Жазда диаметрі 2/4 метрлік үлкен бөгет орнатылды, көпірді қалпына келтіру жұмыстары жүргізілді, — деді, Бақыт Садықова бұл жөнінде.
Бұдан кейін ауылдық округ әкімі әр жұма сайын өтетін абаттандыру шараларына тоқталды.
— Жыл бойы абаттандыру жұмыстары қарқынды жүргізілді. Апта сайын «Таза жұма» ұйымы аумақтарды қардан, арамшөптер мен қоқыстардан тазартып, жиектерді әктеп, балалар мен спорт алаңдарын сырлайды. Жеңіс саябағында шыршалар мен пирамидалық теректер, көпқабатты үйлердің жанына қайың көшеттері отырғызылды. Жарықдиодты консоль элементтері бар көшелерді жарықтандырудың жаңа тіректерін орнату нәтижесінде Дмитриевка-Шемонаиха жолы әдемі келбетке ие болды, осындай жарықтандыру элементтері Бородулиханың орталық көшесін безендірді, сәулеттік жарықтандыру орнатылды және Бородулиха ауылының барлық кіреберістеріне стеллалар жөнделді. Лесхозда кіреберіс стелладан бастап 60 көшені жарықтандыру бағанасы орнатылды. Жеңіс саябағындағы жұмыстар аяқталды, енді барлық іс-шараны бір жерде өткізуге болады, — деді, өз сөзінде округ әкімі.
Бақыт Садықова Бородулиха ауданының әкімі Ахметқали Нұрғожиннің бастамасымен өткен жылдың наурыз айынан бастап апта сайын демалыс күндері жәрмеңкелер өткізіліп, жергілікті тұрғындар ауылшаруашылық өнімдерін сатуға және сатып алуға мүмкіндік алғанын атап өтті. Халық бұл бастаманы оң қабылдап, жәрмеңкеге белсенді қатысуда. Тұрғындар өз кезегінде жәрмеңкеден жаңа піскен ет пен басқа да ауылшаруашылық өнімдерін сатып алуға мүмкіндік берген аудан әкіміне алғыстарын білдіруде.
Бұл кездесуде сондай-ақ, 2022 жылы балабақшадан көпқабатты үйлерге дейінгі жылу трассасын және аудан әкімдігіне жөндеу жұмыстары жүргізілгені айтылды.
Бұған қоса, бюджет қаражаты есебінен Знаменка ауылында тереңдігі 115 метр блок-модульдік стансалар салынды, бұл ауыл тұрғындарының таза ауыз суды пайдалануға мүмкіндік береді.
2023 жылға арналған жоспарларда Бородулиха ауылдағы су құбырларын іске қосу көзделген. Елді мекен көшелеріне орташа және ағымдағы жөндеу жұмыстарын жүргізу, қажет болса, барлық көшенің бойына шамдары бар көшелерді жарықтандыру бағандарын орнату, КСХТ арқылы және Успенка ауылына баратын бағыттағы жолды орташа жөндеуден өткізу жұмыстары қола алынады.
— Жеңіс саябағында ойын-сауық орталығын, хоккей кортын, шағын футбол алаңын орнату, Успенка және Знаменка ауылдарында және КСХТ, Лесхозда балалар алаңдарын орнату жоспарда бар. Бородулиха ауылындағы мұсылмандар мен христиандарға арналған бірыңғай зираттың қоршауын жасап, қоғамдық орындарға бейнебақылау камераларын орнату қажет, — деді, ауылдық округ әкімі.
Баяндама аяқталғаннан кейін тұрғындар қаңғыбас иттер мәселесін көтеріп, ауылдың жолдарын тазарту туралы ұсыныс жасады.
Бақыт Рысқұлқызының сөзінше, «Жануарларға жауапкершілікпен қарау туралы» Заңның күшіне енуіне байланысты қазіргі уақытта жануарларды атуға тыйым салынған. Осы орайда, ол Бородулиха ауылында алдағы уақытта жануарларды уақытша ұстау пунктін салу үшін арнайы орын белгіленгенін, қаржы бөлінген кезде жұмыстың басталатынын айтты.
Азамат Смагулов