Бүгінде елімізде мемлекет пен діни ұйымдар арасындағы өзара қарым-қатынасты айқындаушы саланың бірі – рухани, құлықтық, патриоттық білім беру мен тәрбие.
Еліміз тәуелсіздік алған сәттен бастап діннің мәртебесі мен беделі көтеріліп, дінге сенушілердің саны арта бастады. Сонымен бірге терроризм мен экстремизмге үгіттейтін күштер мен көптеген жат ағымдар да пайда болды. Қазіргі уақытта әлемнің барлық мемлекеттерінде діни экстримизм мен терроризмге қарсы күрес белсенді түрде жүріп жатыр. Елімізде де дін атын жамылған деструктивті ағымдардың алдын алу өзекті мәселелер қатарында. Дінге үлкен сеніммен келгенмен үйретушісі дұрыс болмаса, ол адамның жалпы дін жолынан ауытқып кетуі өте оңай.
Қазіргі таңда тәуелсіз мемлекетіміздің дамушы және дамыған елдерден ерекшелігі – қоғамдағы діннің нығаюы мен елдегі діни ахуалдың тұрақты болуы. Біздің мемлекетіміз көпұлтты, демократиялық мемлекет болғандықтан, дін мәселесі жөнінде барлық азаматтарға қай дінге кіруіне, қандай дінде болуына еркіндік берілген.
Осыған орай, еліміздің жарқын болашағын қалаушы жас ұрпаққа дәстүрлі дін мен жат ағымның ара жігін ажыратып, түсіндірудің маңызы зор. Осы ретте аудандық дін мәселелері жөніндегі ақпараттық-түсіндіру тобының өкілдері Ә.Акимбатчаев пен В.Екидин «Дін саласындағы мемлекеттік саясат» тақырыбында спортшылармен кездесу өткізді.
Кездесу барысында мамандар тақырып аясында толық түсіндірме беріп, оқушылар тарапынан қойылған сұрақтарға жауап берді. Ашық диалог форматында өткен жүздесуде жас спортшылар өздерін қызықтырған сауалдарын жолдап, тиісті жауаптарын алды.
Ай-Көркем МАҚЫШ,
«Жаңа уақыт»
