«Таза Қазақстан» республикалық экологиялық акциясы аясында Бородулиха ауылдық округінде аумақты тазалау және абаттандыру жұмыстары жүргізілуде. Ауыл тұрғындары мен волонтерлер бірлесе отырып, көшелерді тазалап, қоқыстарды жинап, қоғамдық орындарды қауіпсіз және жайлы етуге ат салысуда.
Акция барысында тұрғындарға экологиялық мәдениетті арттыру, табиғатты қорғау және қоқысты дұрыс жинау туралы ақпараттық түсіндіру жұмыстары жүргізілуде. Жастар мен мектеп оқушылары белсенді қатысып, ауылдың көркін арттыруға өз үлестерін қосуда.
Бородулиха ауылдық округінің әкімдігі тұрғындарды қысқы мезгілде де қоғамдық жұмыстарға қатысуға шақырып, таза және жайлы өмір сүру ортасын сақтаудың маңыздылығын атап өтті. Алдағы уақытта да көшелерді қардан тазалау, гүлзарларды күтіп-баптау және демалыс орындарын абаттандыру жұмыстары жалғасады.
Бородулиха әкімінің баспасөз қызметі