Бородулиха ауданының жас өнерпаздары соңғы уақыттарда түрлі деңгейдегі байқауларда топ жарып, жүлделі орындар иеленіп жүр. Мұның барлығы өңіріміздегі мәдениет саласына оң көңіл бөлінгендігінің айғағы болса керек.
Атап айтсақ, өткен наурыз айының соңында Алматы қаласында «ZHULDYZ ART KAZAKHSTAN» халықаралық фестиваль-байқауы болып өткен еді. Оған Қазақстанның барлық қалаларынан 30-дан аса ұжым қатысты.
Солардың арасынан Абай облысы білім басқармасының Бородулиха ауданы білім бөлімінің «Шығармашылық үйі» КМҚК тәрбиеленушілерінен тұратын «Айналайын» ән-би ансамблінің үш тобы 1-орынды айқын басымдықпен жеңіп алды. Осылайша жас өнерпаздар Түркияда, Дубайда, Ташкентте және Ыстықкөлде өтетін халықаралық байқауларға тегін жолдама иегерлері атанды.
Сонымен қатар, аталмыш ансамбльдің жетекшісі, білікті хореограф Лаура Оразғалиқызы арнайы алғыс хатпен салтанатты түрде марапатталды.
Өнер ұжымын осынау биік белесті бағындыруларымен құттықтаймыз.
Өз тілшіміз