Жаңа оқу жылы қарсаңында Бородулиха ауданында «Мектепке жол» республикалық акциясы жалғасуда. Оның аясында ауданның Төтенше жағдайлар бөлімі қызметкерлері әлеуметтік қолдауды қажет ететін отбасылардың балаларына көмек көрсетті.
Қызметкерлер балаларға мектеп сөмкелері мен оқу құралдарын табыстап, жаңа оқу жылын шат көңілмен бастауға жағдай жасады. Шара барысында бүлдіршіндерге жылы лебіздер айтылып, білім жолында табыс пен сәттілік тіледі.
– Әр бала мектепке қуанышпен барып, білімге ұмтылуы тиіс. Біздің басты мақсатымыз – олардың болашағына сенім ұялату, – дейді аудандық ТЖБ өкілдері.
Мұндай игі бастамалар балалардың мектепке дайындығын жеңілдетіп қана қоймай, олардың арманға жету жолын нұрландыра түседі. Қоғам болып қолдау көрсеткенде ғана жас ұрпақтың болашағы жарқын болмақ.
Бородулиха ауданы ТЖ бөлімі