Мемлекет үшін балалардың амандығы мен құқықтарының қорғалуы – басты басымдықтардың бірі.
Бүгінде елімізде 6,8 миллион бала бар. Бала – біздің болашағымыз, елдің ертеңі. Мемлекет басшысы Қасым-Жомарт Тоқаев: «Елдегі әрбір баланың бақытты және қауіпсіз балалық шағы болуы тиіс», – деп атап көрсеткен болатын. Қазақстанда Мемлекет басшысының тапсырмасына сәйкес, балалардың құқықтарын қорғау және оларға қажетті жағдай жасау бағытында ауқымды заңнамалық және стратегиялық шаралар қабылданып, жүзеге асырылуда.
Осы орайда Бородулиха ауданында балалардың құқықтарын қорғауға, сапалы білім беруге және олардың дамуына жан-жақты жағдай жасауға ерекше көңіл бөлінуде.
-Балалардың әл-ауқатын арттыру және қолайлы білім беру ортасын құру мәселелері аудан басшылығы алдындағы басым бағыттары болып табылады. Мемлекет басшысының тапсырмалары аясында облыста балалардың құқықтарын қорғау, олардың қауіпсіздігін қамтамасыз ету, сондай-ақ олардың сапалы білім алуы мен жан-жақты дамуына жағдай жасау шаралары жүзеге асырылуда.
Ауданда 7250 орындық 31 орта мектеп бар. Бүгінгі таңда мектептерде 5142 бала білім алуда, оның 382 мектеп жасына дейінгі балалар. Мектептерде оқушыларға арналған орын тапшылығы жоқ, бұл қолайлы оқу жағдайын қамтамасыз етуге мүмкіндік береді,- деді Бородулиха ауданы әкімінің орынбасары Қайрат Сапоров.
Әкім орынбасарының айтуынша, 2279 оқушы тегін ыстық тамақпен қамтамасыз етіліп, оған бюджеттен 267,9 млн.теңге бөлінді. Сонымен қатар, халықтың әлеуметтік жағынан осал топтарындағы 748 баланы мектеп формасымен, аяқ киіммен және кеңсе тауарларымен қамтамасыз етуге 32,4 млн теңге бөлінген. Барлық төлемдер толығымен орындалды.
Сонымен қатар, «Мектепке жол» акциясы аясында кәсіпкерлер мен демеушілердің қолдауымен 71 аз қамтылған және көп балалы отбасына жалпы сомасы 1,06 миллион теңгеге көмек көрсетілді.
660 оқушы тегін тасымалдаумен қамтамасыз етілген. Осы мақсатта күн сайын 18 оқу орнына балаларды жеткізетін 26 автобус жұмылдырылған.
Қауіпсіздікті арттыру және қолайлы жағдай жасау мақсатында 14 білім ошағында ағымдағы жөндеу жұмыстары жүргізіліп, барлық жұмыстар белгіленген мерзімде аяқталды.
Аудандағы білім беру ұйымдарының заңнамасы мен жарғысы аясында міндетті мектеп формасының нормаларын сақтау жұмыстары жүргізілуде.
1363 бала мектепке дейінгі тәрбие мен оқытумен қамтылған, бұл балаларды мектепке дайындаудың жүйелі тәсілімен расталады.
Бородулиха ауданында білім берудің қолжетімділігін қамтамасыз ету, балаларды әлеуметтік қолдау және мектеп инфрақұрылымын жақсарту шаралары дәйекті түрде жүзеге асырылуда.
Отбасы мен мектеп арасындағы ынтымақтастықты нығайту үшін «Біртұтас тәрбие» бағдарламасы енгізілді. Бұл бағдарлама позитивті ата-ана мәдениетін қалыптастырып, баланың жан-жақты дамуына ықпал етуді мақсат етеді.
Балалардың қауіпсіздігі мен құқықтарының қорғалуы – болашақтың іргетасы. Бүгінгі ұрпаққа қамқорлық жасау арқылы біз қауіпсіз, мейірімді және дамыған қоғам құрудамыз. Бұл – әр баланың жарқын болашағы үшін жасалған маңызды қадамдар.
Ай-Көркем МАҚЫШ,
«Жаңа уақыт»
