Қазақстан Республикасының Президенті Қасым-Жомарт Кемелұлы Тоқаевтың 2022 жылғы 3 наурыздағы «Әкімдердің халықпен кездесулер өткізуі туралы» Жарлығын іске асыру мақсатында әр ауылдық округте тоқсан сайын кездесулер ұйымдастырылады.
Осыған орай, Бородулиха ауданы әкімінің ауылдық округтер тұрғындарымен есептік кездесулері жалғасуда. 15 қыркүйек күні Жерновка, Жаңашүлбі, Андреевка ауылдық округтерінің тұрғындарымен кездесулер өтті. Кездесуге «Аманат» партиясы филиалының міндетін уақытша атқарушы Гүлмира Бақдәулетқызы, дербес бөлімдердің басшылары мен БАҚ өкілдері қатысты.
Жерновка ауылдық округінің әкімі Е. Деревянканың ағымдағы жылдың 8 айында Жерновка ауылдық округінде атқарылған жұмыстар туралы баяндамасы тындалды. Жоспарлар мен міндеттер туралы айтты. Жыл басынан бері аталған округтерде бірқатар жұмыстар жасалды. Содан кейін аудан әкімі ауданның өткен кезеңдегі әлеуметтік-экономикалық даму көрсеткіштері, жүзеге асырылған істер мен келесі жылға жоспарлар туралы баяндады. Жерновка ауылдық округ бойынша қордаланған мәселелерді талқылап, тұрғындардың сұрақтарына жауап берді.
Жаңашүлбі ауылдық округінде өткен кездесу барысында ең алдымен, ауылдық округ әкімі А. Молдажановтың осы жылдың 8 айында округте атқарылып жатқан жұмыстар туралы баяндамасы тыңдалды.
2023 жылдың 8 айында «Красный Партизан» ЖШС жалпы сомасы 1 млрд 950 млн 500 мың теңгеге және «Лазарев и К» ЖШС 77 млн 800 мың теңгеге ауыл шаруашылығы техникасы мен құрал-жабдықтарын сатып алды.
Екі мектептегі оқушылар саны 404 оқушы, бірінші сыныпта 36 оқушы, 11 сыныпта 23 оқушы оқиды. Шағын орталықтың үлкен тобында 25 бала, кіші топта 20 бала оқиды. Бюджет қаражаты есебінен 132 оқушыны тасымалдау ұйымдастырылды. «Қиын өмірлік жағдайдағы балаларды қолдау орталығында» 44 бала бар.
2023 жылдың есепті кезеңінде көпірлер мен су өткізгіш құбырларды тазарту жұмыстары жүргізілді (26 құбыр және 2 көпір), Подстанционный тоғанын қамыс пен қопадан тазарту жұмыстары жүргізілуде. Ұзындығы 22 шақырымды құрайтын «Жаңашүлбі-Ақши» облыстық маңызы бар жол тегістелді. Қатты тұрмыстық қалдықтар үйіліп, елді мекендер құрғақ шөптен, қоқыстан тазартылып, ағаштар әктелді. Округте 16 рет сенбілік өткізіліп, 50 текше метр қоқыс шығарылды. Жеңіс саябағында қураған шөптерді жою, ағаштарды әктеу, шөп шабу бойынша сенбіліктер өткізілді. Ойын алаңы мен воркаут алаңына косметикалық жөндеу жұмыстары жүргізілді (шағын архитектуралық пішіндерді бояу).
— Округте 1-кезеңде Қазақстан, Гагарин және Әбеулова көшелерінде су құбыры желілерін қайта жаңарту аяқталды. Біз осы жылдың қыркүйек айында қосылуды күтеміз. «Ауыл көшелеріне жарықтандыру бағандарын орнату» жобасы бойынша, Меркулов және Киров көшелерінің бойына 40 көше жарықтандыру бағаналары 10 млн 215 мың теңге сомаға орнатылды. Қосылу 4-тоқсанға жоспарланған. 7 қыркүйекте Краснопартизанская көшесінде балалар ойын алаңын құру жобасы бойынша конкурстық рәсім өтті. 7 млн 145 мың теңгеге «Жаңа Семей KZ» ЖШС жобасын ұтып алды-деді Жаңашүлбі ауылдық округ әкім.
Есепті тыңдаған аудан әкімі Айдар Ибраев өткен кездесулерде айтылған өзекті мәселелердің бір бөлігі орындалғанын атап өтті. Алға қойылған жобалар да аз емес.
Ауданның даму барысына тоқталған өңір басшысы бұдан кейін сегіз айдың ішінде атқарылған жұмыстар туралы баяндады.
— Өткен тоқсанда мен 18 есеп беру кездесуін өткіздім, онда маған 99 сұрақ қойылды, оның 20-сы азаматтардың жеке қабылдауында және 79-ы есеп беру кездесулерін өткізу барысында айтылды. Өтініш білдірген әрбір адам барлық қойылған сұраққа жазбаша жауап алды, – деді аудан әкімі.
Оның айтуынша, ауыл шаруашылығының жалпы өнімінің көлемі 2023 жылдың қаңтар-шілде айларында 13 млрд 890 млн теңгені, нақты көлем индексі – 103 % құраған екен. (2022 жылғы қаңтар – шілдеде – 11 млрд. 950 млн. теңге).
— Ауданның агроөнеркәсіптік кешенінде 426 ауылшаруашылығы тауар өндірушілері бар, оның ішінде 41 жауапкершілігі шектеулі серіктестік, 385 шаруа қожалық бар. Өсімдік шаруашылығымен 384 ауылшаруашылығы тауар өндірушілері айналысады, аралас шаруашылық — 41, бау-бақша шаруашылығы — 1-еу. Биыл жалпы егіс алқабы 335 мың 600 гектарды құрады (өткен жылмен салыстырғанда 7,1 мың гектарға ұлғайды), оның ішінде жаздық егіс 309,13 мың гектарды құрады. Көктемгі егіс жұмыстарының нәтижелері бойынша дәнді және дәнді-бұршақты дақылдар көлемі 162 мың га құрады. Жемшөп дақылдары — 20 мың га, оның ішінде сүрлемге жүгері — 1,8 мың га, бір жылдық шөптер — 0,7 мың га, биылғы көпжылдық шөптер — 2,7 мың га, өткен жылдардағы көпжылдық шөптер — 15 мың га.
Нақты сіздердің округтеріңіз бойынша атқарылған жұмыстарға тоқталсам: Жаңашүлбі ауылдық округінде 7 млн 145 мың теңгеге «Аулаларды ағымдағы жөндеу, балалар алаңын орнату» жобасын «Жаңа СемейQZ» ЖШС жүзеге асырмақ. Бірнеше жоба бойынша жобалық-сметалық құжаттамалар дайындау жұмыстары жүргізілуде. Облыстық бюджет комиссиясына «Жаңашүлбі ауылында блокты модульді қазандық (БМК) салуға қаржы бөлу үшін бюджеттік өтінім берілді. «Жаңашүлбі ауылындағы жабық хоккей кортын салу» жобасы бойынша жобалық сметалық құжаттаманы әзірлеу жүргізілуде.
Жаңашүлбі ауылындағы дәрігерлік амбулаторияға және Успенка мен Ауыл ауылындағы медициналық пункттерге инженерлік желілерді жобалау үшін қаржы бөлінді, — деді аудан әкімі.
Әңгіме барысында аудан басшысы атқарылған істерді қорытындылап, биылғы жоспарлар жайлы ақпаратты бөлісті, сондай-ақ, халықтың көкейінде жүрген сауалдарға жауап беріп, ұсыныстарын тыңдады.
Бұдан әрі есептік кездесу Андревка ауылдық округінде өтті. Ауылдық округ әкімі Бербол Кулаков есеп беру кезінде округте абаттандыру бағытында атқарылған ауқымды жұмыстар жайлы баяндады.
— Әр жұма сайын сенбіліктер өткізіледі. Шаруа қожалықтары жеке шаруашылықтардағы қоқыс пен көңді шығару жұмыстарын жүргізді. Көшелерді жарықтандыру бойынша жеке кәсіпкер «Фролов» қызмет көрсетеді, жарты жылда 1 млн 008 мың теңге игерілді (жылға 1 млн 515 мың теңге, 61 шамдар). Бүгінгі таңда екі жоба жүзеге асырылды. Бір «Ауыл ел-бесігі» жобасы – «Михайличенково ауылының көшелерін орташа жөндеу» (Школьная, Молодежная, Гагарина) облыстық бюджеттен бөлінген трансферттер есебінен (110 млн 802 мың), жалпы ұзындығы 2 км 740 метр, екінші жоба жергілікті (аудандық) бюджеттен бөлінген (6 млн. 160 мың)трансферттер есебінен «Михайличенково ауылындағы балалар ойын алаңын абаттандыру». «Ассорти-2» шаруа қожалығының басшысы Игорь Шевченко өзара ынтымақтастық туралы жасалған меморандумға сәйкес, 500 мың теңгеге Гагарин көшесі бойындағы жол іргетасын толтыру және су өткізгіш құбырды жөндеу жұмыстарын жүргізді, сондай-ақ Школьная және Гагарин көшелерінде асфальт төседі.
«Ассорти-2» шаруа қожалығының басшысы И. Шевченконың демеушілігінің арқасында Михайченков орта мектебіне 500 мың теңгеге және «Өскеменспецкоммунтрас» ЖШС-нің басшысы Ж. Құжахметованың демеушілігімен мешітке 480 мың теңгеге асфальт төселді, – деді ауылдық округ әкімі Бербол Төкенұлы.
Оның сөзіне қарағанда, биыл «Ассорти-2» шаруа қожалығының басшысының демеушілігімен Андроновский тоғанын қалпына келтіру жұмыстары жүргізіліп, суды ағызатын арна тартылған, 150 текше метр бетон төселген, жалпы шығын 7 млн теңгені құраған. Сондай-ақ, ауыл тұрғындарының күшімен көптеген көшедегі шұңқырларды жөндеу жұмыстары жүргізілген.
Округте тұрғындарға тауарлардың кең ассортиментін ұсынатын 6 дүкен жұмыс істейді. Мұнда 13 жеке кәсіпкер еңбек етеді. Жыл басынан бері 5 жеке кәсіпкердың жұмысы жолға қойылды. 2023 жылы Подборный ауылдық округінде «Ассорти» шаруа қожалығының қаражаты есебінен кейіннен демалыс аймағын құру үшін Андронов тоғанының аумағын абаттандыру жұмыстары жүргізілді және «Краснопартизанская көшесінде балалар ойын алаңын құру» жобасы бойынша жұмыс жалғасын табады. Енді Жаңашүлбі ауылы су құбыры желілерінің 1 кезеңін іске қосу қолға алынады, — деді ауылдық округ әкімі Бербол Төкенұлы.
Бұдан кейін аудан әкімі Айдар Ибраев осы жылдың 8 айында аудан бойынша атқарылған жұмыстар туралы ақпарат берді. Оның айтуынша, 2023 жылдың 1 тамызындағы жағдай бойынша, жұмыс істеп тұрған шағын және орта кәсіпкерлік субъектілерінің саны 1665 бірлікті немесе өткен жылдың тиісті кезеңіне сәйкес, 116,8 %-ды құрайды.
— Ауданда жолдарды жөндеу бағытында 2023 жылы конкурстық рәсімдер өткізіліп, келесі жобалар бойынша жұмыстар жасалды.
«Буркотово ауылына кіреберіс 23 шақырым» автомобиль жолын орташа жөндеу жұмысына бөлінген сома — 1 млрд 61 млн теңге. Сәуірден бастап 20 шақырымда жұмыстар аяқталды. Қыркүйек айының аяғында толық аяқталады. «Ауыл-ел бесігі» жобасы аясында 2023 жылға 258 млн 736 мың теңге бөлініп, келесі жұмыстар жасалды. Жезкент кентінде Сахаров көшесінің бойындағы жүріс бөлігі мен тратуарларды орташа жөндеу жүргізілді. 820 метр көшенің жүріс бөлігі және жаяу жүргінші жолына асфальт төселді. Михайличенково ауылында ауыл ішіндегі көшелерді орташа жөндеу, 3 көшеде 2,7 шақырым жолға жөндеу жүргізілді. Дмитриевка ауылында «Дмитриевка ауылының көшелерін орташа жөндеу жұмыстары жүргізілді. Ұзындығы 2,4 шақырым 2 көше жөнделді. Жалпы ауданы 1500 ш.м. қоспәтерлі 10 үйдің құрылысы жүргізіліп жатыр. Құрылыс аяқталған соң кезекте тұрған аудан тұрғындарына беріледі, — деді аудан әкімі.
Өңір басшысының сөзінше, ауданда құрылыс жұмыстары жалғасуда. Бородулиха ауылындағы Абай, Борков және Қазақстан көшелерінде электрмен жабдықтау, көшені жарықтандыру, сондай-ақ су құбырын тарту және кәріз жүйесін орнату жұмыстары жүргізілуде. Жұмыстар қараша айында аяқталады.
Бұған қоса, балалардың бос уақытын тиімді өткізу мақсатында ауданда жыл сайын балалар, спорт алаңдары салынуда. Жаңашүлбі ауылдық округінде 7 млн 145 мың теңгеге «Аулаларды ағымдағы жөндеу, балалар алаңын орнату» жобасын «Жаңа СемейQZ» ЖШС жүзеге асырмақ.
Аудандағы 31 мектепте биылғы оқу жылында 4912 оқушы білім алуда. 476 бүлдіршін 1 сыныпқа, 960 сәби бала-бақша мен шағын орталықтарға барды. 2023 жылы аудандағы 32 мектептің 16-сына 198 млн 200 мың теңгеге жөндеу жұмыстары жасалды. Ауданның 26 мектебіне 54 млн 400 мың теңгеге 480 камера орнатылды.
Әңгіме барысында аудан әкімі Айдар Ибраев тұрғындарға округтің жергілікті бюджетіне түсетін салықтарды уақтылы төлеу қажеттігін айтты. Азаматтардың қойған сауалдары мен өтініштеріне жауап берді. Әрбір кездесуден соң азаматтарды жеке мәселелері бойынша қабылдады.
Сұлтан Ибрагимов
