10-15 тамыз аралығында Астана қаласында Қазақстан Республикасының Спорт күніне арналған шағын футболдан республикалық турнир өтті. Бұл жарысқа еліміздің барлық өңірлерінен үздік спортшылар қатысып, тартысты ойын көрсетті.
Абай облысының намысын қорғаған құрама команда ерекше дайындық пен жоғары шеберліктің үлгісін көрсетті. Құрама сапында Бородулиха ауданының спортшысы Станислав Сергеевич Полығалов өнер көрсетті.
Жарыстың шешуші кезеңінде аймақ спортшылары сенімді ойын өрнегін көрсетіп, қарсыластарын басымдықпен жеңді. Нәтижесінде Абай облысының құрамасы 1-ші орынға ие болып, Қазақстан Республикасының чемпионы атанды.
Бұл жеңіс – облыс спортындағы маңызды жетістік әрі жас спортшылар үшін үлкен үлгі.
Станислав Полығаловты және бүкіл команданы жеңістерімен құттықтаймыз! Алдағы уақытта да спортшыларымыздың жаңа табыстарға жетіп, ел намысын абыроймен қорғауына тілектеспіз.
«ЖУ» ақпарат