2025 жылғы 18 қыркүйекте Әлихан Бөкейхан атындағы қазақ орта мектебінде Ахмет Байтұрсынұлы мен Абай Құнанбайұлына арналған республикалық «Балалар оқулары» байқауының аудандық кезеңі ұйымдастырылды.
Шараның басты мақсаты – жас буынды қазақтың ұлы ағартушылары мен классик ақындарының рухани мұрасымен таныстыру, оқушылардың кітап оқуға деген қызығушылығын арттыру және сөз өнеріне құрмет сезімін қалыптастыру.
Байқау екі номинация бойынша өтті:
1. «Өлең сөздің патшасы, сөз сарасы» – көркем шығармаларды мәнерлеп оқу;
2. «Алаш арысы» – зерттеу жұмысын қорғау.
Аудан мектептерінен келген талапты оқушылар өз өнерін көрсетіп, білімі мен ізденісін ортаға салды. Әділқазылар алқасы қатысушылардың мәнерлеп оқу шеберлігін, көркем сөзді меңгеруін және ғылыми ізденісін бағалап, үздіктерді анықтады.
Байқауға аудан мектептерінен оқушылар қатысып, келесі нәтижелерге қол жеткізді:
• Переменовка орта мектебі: І орын – Серікбек Айзере (9 «А» сынып),
ІІІ орын – Серікқазы Жігер (8 «А» сынып);
• Жезкент кентінің мектеп-лицейі: І орын – Базарова Дильназ, І орын –
Қажытай Мөлдір (9 «Ә» сынып);
• Бель-Ағаш орта мектебі: І орын – Жолдина Ильгиза (9 сынып);
• Ы. Алтынсарин атындағы орта мектеп: І орын – Аукенова Аружан (10
сынып);
• Краснопольская орта мектебі: ІІІ орын – Тлегенов Нурислам (10
сынып);
• Камышенка орта мектебі: ІІІ орын – Шайсолтанов Қуаныш
Шоқанұлы;
• Н. Островский атындағы орта мектеп: ІІІ орын – Ауесбекова Шырын
(10 «А» сынып), ІІ орын – Сембин Арнұр (9 сынып), қатысқаны үшін – Букомбаева Аяжан (8 сынып);
• Ивановка орта мектебі: қатысқаны үшін – Борозенцева Вероника, Цой Ангелина (10 сынып).
Жеңімпаздар мен жүлдегерлер арнайы дипломдармен марапатталды. Алдағы уақытта олар облыстық кезеңде бақ сынап, аудан намысын қорғайтын болады.
Осындай байқаулар жас ұрпақтың сөз өнеріне деген қызығушылығын арттырып қана қоймай, олардың бойына ұлт руханиятына құрмет сезімін сіңіретіні анық.
Шайза АСАНҚЫЗЫ,
«Жаңа уақыт»